19 - 04 - 2021, 09:21 PM
|
|
|
|
..::| الإدارة العامة |::..
|
|
|
|
|
|
وانا بقرا حديث المسيح مع الشاب الغني وبيقوله وصية تحب قريبك كنفسك .. لفت نظري فكرة مختلفة وهي ان لو جينا فصصنا الاية هنلاقي معناها (محبتك لقريبك = محبتك لنفسك) .. مقالهوش تحب قريبك علي حساب نفسك .. مقالهوش تحب علي حساب نفسك (طموحك ، اهدافك ، سلامك ، اتزانك ، ....)
يعني الإنجيل و المسيح مش ضد اننا نحب نفسنا ؟ لأ
إزاي ؟
لإنه ميرضاش انك تكون مريض ..
ميرضاش انك تكون بتستهلك في نفسك و بتلغي شخصيتك ونفسك وكل شئ عندك لأجل الاخر .. كدة هتعيش بنفس مريضة .
لكنه عايزك تكون سليم انت والاخر .. هو سوي وانت سوي .. هو بيتحب صح زي مانت بتتحب صح .
بقول كدة علشان للاسف التطرف في معني نكران الذات في سبيل الحب بيؤدي ان ناس بتخسر طموحها واهدافها و سلامها النفسي بل وبتخسر شخصيتها في سبيل المحبة (وده تطرف لتطبيق الآية)
تطرف يميني اني احب قريبي علي حساب محبتي لنفسي .
وتطرف يساري اني احب نفسي علي حساب محبتي للاخر .
لكن الشئ السوي
انك توازن بين انك تحب قريبك = وبرضه تحب نفسك .
|