[walaa farouk]

يبحث الانسان طول الوقت عن المتعة والانبساط
مشكلة المتعة انها ((كلفظ)) يعنى مرتبطة بالعالم واحيانا بالخطية
بس الكلام ده مش صحيح فهناك من اختبروا فعليا التمتع بالعلاقة مع ربنا بجد مش كلام وعظ يعنى
إِلَى اسْمِكَ وَإِلَى ذِكْرِكَ شَهْوَةُ النَّفْسِ. (إش ٢٦ : ٨)
يا بخت اللى بيلاقى لذته ومتعته فى العلاقة مع الله
فى التسبحة والالحان الكنسية الشجية
يابخت اللى جرب ينبسط بوقفة الصلاة الهادية العذبة المعزية
يا بخت اللى جرب يتمتع بايات الكتاب ووقفة القداس وخدمة المحتاجين والتعب من اجل الله
يا بخت اللى بيحركه ناحية ربنا المتعة بعشرته مش الخوف والرعب من العذاب الابدى
يبان كلام خيالى.... طبعا للى مش دايق .....اللى مش دايق مش هيفهم
ابدأ تتغصب شوية فى العمل الروحى لغاية ما تبدأ تدوق النوع ده من المتعة
وتلقائيا هيكون سهل عليك تتخلى عن الاستمتاع الخاطئ
وكمان هتتشوق انك تروح السما ومش هيكون الموت مصدر خوف
على فكرة فى حاجات ممتعة فى العالم وفى نفس الوقت مش خطية .
...ليس عن هذه اتكلم لان دى مافيهاش مشكلة
الناس اللى عندها استمتاع مقدس دول يابختهم واخدينها دنيا واخرة
بس اتعب شوية فى الاول معلش
Enjoooooooooooooooy
حَلْقُهُ حَلاَوَةٌ وَكُلُّهُ مُشْتَهَيَاتٌ. هذَا حَبِيبِي، وَهذَا خَلِيلِي، يَا بَنَاتِ أُورُشَلِيمَ. (نش ٥ : ١٦)
#اللى_مش_دايق_مش_هيفهم_واللى_مش_هيفهم_مش_هيدوق