[walaa farouk]

الولد اللي جه بعد حرمان وصلاة ووجع .. بيبقي صموئيل او يوحنا او مارمينا او .. بيبقي ابن صلاة و دموع .. بيبقي جبار في يد الله ..

الزوج-الزوجة- (الصديق ، الخطيب) اللي جه بعد صلاة و أحتياج
و حرمان .. بتبقي زي رفقة ، راحيل ، يوناثان ..
بيبقي مرهم و زيت علي اوجاع السنين .

فرصة العمل اللي بيجي بعد صلاة و مناجاة و قلة عمل ووجع .. بيبقي زي أصحاب الحادية عشر ..تعويض رهيب، نفس إيراد اللي اشتغل من سنين .

النفس اللي وصلت للمسيح بعد سنين صلاة من الأم و الأخوات و الأصدقاء في انتظار لحظة تدخل المسيح .. بيبقي أغسطينوس و الأنبا موسي و الأبن الضال ..

الشفا اللي بعد سنين صلاة ووجع علي سرير المرض
و اللف علي الدكاترة و تشفع بالقديسيين و البكاء بدون ان يشعر أحد .. بيجي المسيح بنفسه بالشفا .. مرآة نازفة الدم .

لو أنت في نص المشوار كمّل صلاة و لا تيأس .. التعويض رهيب .
. رهيب رهيب .. لن تسقط كلمة من صلاتك او وعوده ..

هيستجيب بس الأهم الصداقة و العشرة
مع شخص المسيح اللي بعد كل سنين الصلاة ديه ..

حزقيال 12:28

لِذَلِكَ قُلْ لَهُمْ: هَذَا مَا يُعْلِنُهُ السَّيِّدُ الرَّبُّ
: لَنْ يَتَأَخَّرَ بَعْدُ تَنْفِيذُ كَلِمَةٍ مِنْ كَلاَمِي الَّذِي قَضَيْتُ بِهِ،
فَكُلُّ كَلِمَةٍ نَطَقْتُ بِهَا لاَبُدَّ أَنْ تَتِمَّ، يَقُولُ السَّيِّدُ الرَّبُّ».