[souad jaalouk]

لكل يوم زوّادة: ساعدنا يا رب ما نفقد الأمل

يا رب انت قلتلنا: "فَأَنْتُمْ كَذلِكَ، عِنْدَكُمُ الآنَ حُزْنٌ. وَلكِنِّي سَأَرَاكُمْ أَيْضًا فَتَفْرَحُ قُلُوبُكُمْ، وَلاَ يَنْزِعُ أَحَدٌ فَرَحَكُمْ مِنْكُمْ." (يو 16: 22)
يا رب احزاننا ما عم تخلص!
وطننا حزين، قلوبنا حزينة، امّهات و بيّات زعلانين عا ولادن و العكس كمان، ناس زعلانة عا شغلها و تعب حياتها، ناس حزينة جوعانة، ناس زعلانة شايفة اللي بتحبّن مرضى و مش قادرة تعملّن شي...
تعدّدت الأسباب و الحزن واحد...
كل هيدا و ما رح نستسلم، ناطرين الفرح الحقيقي اللي مصدرو انت و بس، هيدا الفرح اللي ما حدا و ما شي بيقدر ياخدو مِنّا!
نحنا اكيدين انّك مش ناسينا و عارفين انّو توقيتك غير عنّا و انّك معنا عا طول متل ما وعدتنا، ساعدنا ما نفقد الأمل و نضلّ اكيدين انّو رح يطلع نور من قلب كل هالعتمة و ما تسمح للشكّ يفوت عا قلوبنا نحنا و ناطرين نفرح!