[walaa farouk]

حنة النبية بنت فنوئيل

♦تمر علينا سيرة حنة النبية في بعض آيات انجيل معلمنا لوقا
" و كانت نبية حنة بنت فنوئيل من سبط أشير " لو ٢ : ٢٦
♦فضائل كتيرة متجمعة في شخصية عظيمة زي حنة

🌹 ١ - الأرملة المجربة :
عاشت مع زوجها ٧ سنوات و ترملت و كانت ما زالت شابة صغيرة ..
+ و قبلت تجربتها بشكر و وجدت تعزيتها مع الله اللي عاشت بقية حياتها في خدمته

🌹 ٢ - حنة العابدة :
بالرغم من كمية التعب في خدمة الهيكل لكن خدمتها في الهيكل لم تعطلها عن العبادة و الخلوة و الصلاة ..

🌹 ٣ - حنة النبية :
ربنا كافأها على تقواها و قداستها فائتمنها انها تكون نبية .. و كانت مرشدة لكتير من الناس .. توصل صوت الله للكل

🌹 ٤ - حنة و المسيا :
كان حلم كل امراة في العهد القديم و قبل ميلاد السيد المسيح انه يجي من نسلها السيد المسيح ..
+ لكن هي اختارت انها تخلص لزوجها المتوفي و تتعبد لله .. فاستحقت انها تشوف المسيح ..
+ و كمان تتبنأ عن امور هاتحصل و اتكلمت عن خلاص العالم ..

♦ تعالوا نطبق اللي اتعلمناه :
١ - مهما كانت تجاربنا نخليها نقطة بداية مع الله ..
+ خلى نقطة السقوط هي بداية انطلاقنا لله ..

٢ - مافيش حاجة تعطلنا عن الخلوة اليومية بالصلاة مع ربنا
مهما كانت خدماتنا ..

٣ - لو طاوعنا ربنا وعملنا وصاياه و سلكنا في طريقه باستقامة ..
روح ربنا يعمل فينا .. و نبقى نور للعالم كله ..
" يروا أعمالكم الحسنة فيمجدوا أباكم الذي في السموات "

٤ - غايتنا هو المسيح .. ياريت نعرف مخدومينا بالمسيح و نوصلهم ليه ..
هم كمان ها يكونوا نور للعالم في وسط عالم مظلم ..
🌻🌻🌻