[walaa farouk]

عزوبة بنت شلحي ام يهوشافاط 🤔
معنى اسمها خراب مهجور
ولكنها الشخصية اللي غيرت حاجات كتير أي ست مش بتقدر تغيرها
تعالوا نتعلم من عزوبة ونشوف قوة شخصيتها ومدى تأثيرها
1- عزوبة وصعوبة الحياة
تخيلوا مدى معاناة الشخص اللي معنى اسمه خراب مهجور ومدى التعامل مع الناس
ابوها اسمه شلحي ومعناه المسلح من الله
وتعلمت انها بسلاح الإيمان تقدر تغير كل شيء وتقدر تقاوم كل شيء
2- عزوبة الزوجة
كانت زوجة للملك آسا
اللي عاش حياته بار وقضى على عبادة البعل وكان ليها تأثير رائع في حياة زوجها الملك
وهيأت ليه جو روحي
3- عزوبة الأم
كانت ليها تأثير قوي على يهوشافاط ابنها
ويكفي دايما لما يكون الملك بار وكانت أمه سبب بره يذكر الكتاب المقدس
وعمل المستقيم في عيني الرب وكانت أمه .....
تعالوا نطبق اللي اتعلمناه
1- مهما كانت ظروفك صعبة
شكلك مضايقك
اسمك مضايقك
ظروفك مضايقاك
تقدر تتحكم في كل ده بالاتكال على ربنا
وافتكر ان كالب اللى معنى اسمه كلب قدر يسطر اسمه في التاريخ
وافتكر ان موسى الألدغ ثقيل اللسان اصبح كليم الله
وافتكر ان اثنين مصابين بالبرص كانوا سبب انقاذ حياة اسرائيل من المجاعة والحصار
2- على قدر طاقتك ساعد الناس للوصل لربنا
كن موصل جيد لله من تصرفاتك
يروا أعمالك الحسنة فيمجدوا أباك الذي في السموات