[souad jaalouk]

لكل يوم زوّادة: القليل بيعمل فرق كبير

10 كانون الأوّل 2010 هوّي اليوم اللي اعلن الأب بشارة ابو مراد مكرّم عا مذابح روما، اليوم بعد عشر سنين عالقدّ منصلّي عا نيّة تطويبو! هوّي اللي عاش الحروب و الجوع و كان يخبّي حصتو من الأكل بالدير و يقدّمها للفقرا و غيرا من افعال المحبّة تجاه الناس اللي ربنا حطّن بطريقو و كل هالشي بتواضع كبير...قدّيش نحنا اليوم بحاجة لأمثالو! مش المطلوب مساعدات كبيرة للدعاية بدون ما نكون حاسّين بوجع الشخص التاني، بالعكس! فيك تكون ما عندك إلّا رغيفين خبز و لأنّك حاسس مع جارك تتقاسم معو خبزاتك...هيدا الشي اللي كان يعملو ابونا بشارة مش يعطي الفايض عنّو و لا يقدّم لأنّو عندو كتير، كان يتشارك القليل مع كتار! و احزروا شو؟ هالقليل كان يعمل فرق كبير!...