[walaa farouk]

اتجوزت و بعدت عن امي .. وعرفت....

إن الميه غاليه أووي ، و إن الغدا كل يوم مش بالساهل، و إن واقفه المطبخ بتقطم الضهر
عرفت إن الصحيان بدري لوحدك صعب ،
وإن صوت أمي أحسن من ١٠٠ منبه ، وإن الغسيل ممكن يخليك متنامش علشان مستني تنشُره
، وإن الحجات الضايعه مش هتلاقيها ،
عرفت إن دور البرد أشد ١٠٠ مره من دور البرد و أنت معاها
، و إن العلاج كان بيها مش بالمضاد الحيوي
، و إن الي هتعوزه مش هتلاقيه في ساعتها، عرفت إن المذاكره من غير ساندوتشات مبتتفهمش ،
و إن الزعل من غير وجودها أضعاف ، و إن الغلط من غير عتابها مبيتشافش
، و عرفت إن الأمان ف وجودها مش في قفلة الباب بالمفتاح و الترباس ،
وإن ترتيب البيت شيء مجهد جداً ،
و عرفت ان الطلعه من البيت من غير دعوتها متتحسبش،
و إن في حجات إسمها كهربا و غاز و إشتراك نت و إن الميه بتقطع ،
و إن محدش هيجري يشيل إزاز الكبايه المكسوره و يقولك ابعد لا تتعور..
عرفت ان انا صغيره معاها ، كبيره في بعادها ، ميته من غيرها ❤️