[Mary Naeem]

كيفَ يكونُ هذا وأنا شَيخٌ كَبـيرٌ وا‏مرأتي عَجوزٌ










اللي صار مع زكریا بیصیر مع كل واحد منا، لمن منشوف أو منسمع شي كثیر غریب وجدید علینا منوقف.. منحتار.. ما منستوعب .. ما منعرف شو لازم نعمل ... كیف بدنا نتصرف .. لأنو الجدید بیخوف.. النقلة بتخوف والنقزة بتخوف...

من فضل نحافظ ع الاشیاء القدیمة ، لأنو بتعطینا الامان: بیت، فرش، مواقف، عادات، ھوایات.. الانسان بیخاف من المفاجآت حتى بالحلم مثلا :“اذا حلمت بجدك المیت عم بیزورك بیقولولك خیر مدري مین بدو یموت..“

وكمان نحن منخاف من مفاجآت الله، اللي دایما بیفاجئنا مثل ماعمل مع ابراھیم وموسى وزكریا ومریم وغیرن كثار.. الرب بدو یانا ما نسكر ابوابنا قدام اي شي حتى لو كان من سابع المستحیلات... أوقات كثیر بتسكر بوجنا من كل النواحي، منتعب، منحس بخیبة الامل والاحباط، منقول خلص كل شي انتھى راحت علینا مش قادرین نكفي منسكر ع حالنا ومنقعد بقبور الماضي، وما منعرف كیف وبأي طریقة الرب بیتدخل وبیزحزح حجر القبر عنا وبتشرق شمس الامل عن جدید بحیاتنا..

ما في شي مستحیل مع ربنا، ما في حالة شو ما تكون صعبة الا والرب قادر یغیرھا ھوي اللي انتصر ع الخطیة بالغفران وع الموت بالقیامة.. المشاكل والھموم الیومیة ھي قبر كل انسان .. بتحزنا وبتمرمر عیشتنا .. ھونیك بیقعد الموت وبیشلش فینا..

دحرج ھالحجر عنك، خلي یسوع یفوت ع حیاتك استقبلو كصدیق، اذا بعدك بعید عنو قوم بخطوة زغیرة واستقبلو كمخلص انت وفاتح ایدیك .. اذا كنت غیر مبال خاطر ولا تخاف من المغامرة معو.. سلم نفسك لا الو وكون واثق انو كل جدید وكل تبدیل وكل مغامرة معو رح تكون لا صالحك.