20 - 11 - 2020, 04:46 AM
|
| |
..::| مشرفة |::..
|
|
|
|
|
|
- مش عم ارتاح … الا قدامك.
- بصلي مسبحتي … بفرح.
- بقرا الأنجيل … بحسك عم تحكي معي.
- بتأمل بالمصلوب … بحس عذاباتي نقطة ببحر.
- بصلي قدام الصور، الأيقونات، والتماثيل … بينقلوني لمحل تاني و بعيد.
- مش عم ارتاح … الا قدامك.
- ليش؟ … عم حاول أعرف.
- يمكن … لانو انت قلتلنا أنك باقي معنا للأبد.
- يمكن … لأنو أنت قلتلنا ما تفتشوا عليّ أنا بكون ببيت بييّ.
- يمكن لأنو فتشت عليك وين ما كان … وما كنت ارتاح.
- مش عم ارتاح … الا قدامك.
- عم حاول شوفك بالمريض … وما قدرت.
- عم حاول شوفك بالفقير … بس فشلت.
- عم حاول شوفك بكل أنسان … بس بعدني بعيد كتير.
- لح ضّلني حاول ابرم عليك وين ما كان.
- مش عم ارتاح … الا قدامك.
-ألكنيسة بتعلمنا … أنك حاضر بكل قداس.
-ألكنيسة بتأكدلنا … أنك موجود ببيت ألقربان.
- ألكنيسة بتدعينا لتكريمك … بسر ألقربان.
- ألكنيسة أمنا وبتعلمنا … ونحنا منطيعا.
يمكن ميشان هيك مش عم ارتاح الا قدامك … ببيت ألقربان.
ليسوع ألسجود ولبيو ألمجد ولروحو ألقدوس الشكر هلق وبكل وقت وللأبد.
ألأب شارل حتّي الأنطوني.
دير مار شربل - ملبورن.
|