[walaa farouk]

إللي قدامك دي واحدة من أقدم 3 رسومات في العالم لهيئة المسيح ، وأقدم تمثيل ليه ع الإطلاق في وضعية بانتوكراطور pantocrator
وإللي معناها القدير أو العظيم وهفهمك يعني إيه..

الرسمة دي من 600 ميلادي ومكانها دير سانت كاترين
في سيناء مصر، كان موجود جمبها أقدم نسخة انجيل
في التاريخ بردو قبل مايروح مننا..

المهم pantocrator دي وضعية بتوضح الطبيعة
المزدوجة للسيد المسيح وهي الطبيعة المقدسة
وفي نفس الوقت الطبيعة البشرية،
وتعالى أوريك الجمال في توضيح دا في الرسمة.

شايف انت العينين مش شبه بعض، دا طبعًا مش عشوائي..
جرب معايا كده تخبي نصف الوجه الايمن بايدك وبص عالشمال!
هتلاقي وجه ناعم مُسالم ومضيء بيعبر عن الجانب الإنساني أو الطبيعة الانسانية فيه.

جرب العكس وخبي الجزء الشمال وبص عالجمب اليمين!
هتلاقي وجه يتسم بالقوة والحزم مع ملامح حادة وشعره طويل خلف كتفه، كناية عن المكانة المقدسة والجانب الإلهي عنده.

الجانب الأيسر يد مُتعبده متدرعة، والجانب الأيسر يد تحمل تعاليم وارشادات للبشر

الرسمة جميلة جدا جدا والسياح بيجوا من جميع أنحاء العالم عشان يشفوها.. وزي مانت شايف كده، دي الملامح إللي من المفترض يكون عليها المسيح لإنه من منطقة الشرق الأوسط، مش ملامح أوروبية وشعر اصفر.

___________