[walaa farouk]

انجيل متى
الاصحاح الثالث

1- يوحنا المعمدان يمهد الطريق: مت3 : 1 -؛ 12

دور الخادم هو تمهيد القلوب،المشاعر، الذهن ،الفكر لاستقبال المسيح الملك بس لازم الخادم يكون واضح مع نفسه عشان خدمته تكون واضحه ومثمره فعاله...
يوحنا المعمدان خادم حتى الموت حتى الصليب زى سيده..
1. خدمه نحو الهدف : توبوا لأنه اقترب ملكوت السموات
2. خدمه مع صراخ: صراخ الى الله وصراخ الى الناس .. صوت صارخ
3. خدمه مع جهاد: غير متنعم لباسه من وبر الابل،مستعد ورابط على كل الشهوات ضبط الجسد
4.خدمه تؤدى الى الاعتراف بالخطايا: مش طبطبه على الذات
5.خدمه ضد الشكليات: واجه الفريسين عارف انهم جايين منظره مش لاجل التوبه .. مفرحش بالمنظر مفرحش بالعدد
6. خدمه مواجهه: هتهرب فين يوم الغضب!! فين ثمرك!! ايه اصلك!! اوعى تعتمد على اسم ابراهيم من غير اعماله من غير ثماره!
7.خدمه عايزه ثمر: اصنعوا اثمارا تليق بالتوبه ... الايمان العامل بالمحبه
8.خدمه تاجها المسيح: عارف دور وعارف دور المسيح ، عارف الفرق بين معموديته ومعموديه المسيح ، بيشاور على قوه المسيح،هو يجيب والمسيح يعالج هو يشاور والمسيح يشفى..

ياربي يسوع ادينى افوق واتوب توبه حقيقيه واشوف ملكوت السماء انه قرب يجى وانت قربت تيجى... هو فين ثمرى؟ معنديش حاجه تقول انى تايب!! لا عندى ثمر الروح المتكاثر(اللى يبدأ ويزيد بالوقت) " واما ثمر الروح فهو محبه فرح سلام طول اناه لطف صلاح ايمان وداعه تعفف" ومعنديش ثمر ناس شاورت عليها لربنا!!
اقوم الان ارجع بكل قلبي لابى ... رجوع حقيقي مثمر.عايز اعرفك اكون شبهك يكون عندى فعلا ايمان عامل ومثمر بالمحبه. امين