[souad jaalouk]

زوّادة اليوم: إيد ألله بكل شي
منلاقي كتير تصريحات لمخرجين و ممثّلين و كتّاب و مرنّمين انّن لمّا كانو عم يعملو فيلم، مسرحيّة، برنامج، ترتيلة او غيرن بيجَسدُو حياة قدّيس او اي عمل بيخدم الرب كان عم "يتسيَّسر" بلا ما يحسّو ، و صعوبات تقنيّة و لوجستيّة كانو متوقعينها تمرق بكل سهولة و اوقات كتير يصير اشيا ما يفهموها متل كأنّو في قوّة خفيّة عم تساعد و تشتغل تا ينجح العمل! هالشي بيخلّينا نتذكّر انّو كل شي منعملو لتمجيد ربنا بيوصل بأحلى صورة مش لأنّو ربنا بيحبّ الshow off بالعكس لأنّو كل شي منعملو بحُب صادق و بنية طيبة بينجح! عنجد انّو يلّي بيترك كل شي بإيد الله رح يلاقي إيد الله بكل شي! الله معكن