[souad jaalouk]

زوّادة اليوم: إرحمنا يا رب
بيقول القديس يوحنّا فم الذهب: "أيها الإنسان كم من مرّة تقول: يا ليتني ارى وجهه أو المس ثيابه أو ارى حتّى ولو حذائه ولكنّك أيها الإنسان تراه وتلمسه بل وتأكله..."
عنجد كم مرّة كِنّا مرضى و تمنّينا نكون مطرح المنزوفة نلمس توبو و نشفى...
كم مرّة تمنّينا نشوفو تا نقلّو: يا ابن داوود ارحمني!
كم موقف بالكتاب المقدّس خلّانا نقول يا ريتنا كِنّا موجودين، مثلا وقت صلبوه كلنا منقول لو كِنّا هونيك كِنّا دافعنا عنّو و ما خلّيناهن يقَربو عليه!
يا ريت و يا ريت و يا ريت و ما مننتبه انّو هوّي حاضر بيناتنا بالقربانة!... يا رب عطينا نشوفك و نلمس حضورك و نتوحّد فيك...ما تتركنا بهالإيّام الصعبة و اسمع صرختنا كلنا عم نقول: يا ابن داوود ارحمنا...الله معكن