[walaa farouk]

ناس كتير بتعتبر أن طلب الخدمة منك ده أمر
حتي لو كان استغلال أو ما تقدرش عليه أو ما يناسبكش..

يعني مش بس يطلب خدمة ده يؤمرك تخدمه ؛
و مش بس ينسي يشكرك ده يشتمك و يهينك
و يشهر بيك لو ما عملتش اللي في دماغه بالضبط ..

اللي يطلب منك خدمة يعني يستأذنك
و يشوف تقدر عليها و لا لأ.. يعني يقدر انه ممكن الموضوع
ما ينفعش تعمله حتي لو ما قلتلوش السبب ..

اللي يهينك لو طلب منك خدمة ما قدرتش عليها يبقي لا بيحبك و لا بيحترمك ، و يبقي بيستغلك و ح يبيعك علي اول ناصية ..

خد بالك من الناس اللي بتستغلك علشان تخدمهم و تهينك لو ده ما حصلش ، بيبقي وراهم اذي مستخبي و شر مدفون ..

علشان كده الكتاب قال : "ليس عن حزن أو اضطرار.
لأن المعطي المسرور يحبه الله (٢ كورنثوس ٩: ٧)

العطاء اللي من غير رضي و تحت ضغط و احراج و خوف
، طيبة في غير محلها ، عطاء قليل القيمة ، لا يُسر قلب الله ..