[walaa farouk]

ابنائى وبناتى
طلاب_الثانوية العامة




عارف ان الساعات القليلة اللى قبل الامتحانات بيبقى ليها رهبة خاصة و مشاعر مختلفة و متخبطة - ( اشعر بها معكم الان جداً - واتذكر نفسى وكأنى طالب معكم وفى نفس ظروفكم )
... اول شعور ممكن نحس بيه الفترة دى ....
ان احنا مقصرين طوووول السنة ... ازاى ربنا ها يسند و ها يقف مع حد مقصر كل ده ؟؟؟
عايز اقولكوا ان ربنا اب حنين جداً - لو قصّرت ! الحق ذاكر وراجع نفسك وقول له :
احسبنى مع اصحاب الساعة الحادية عشر
وهو هاينظر للقليل اللى عندك ويباركه 🙏
... شعور آخر يا ابونا : ... احنا خطاة وبعاد عن ربنا. يبقى اكيد ربنا ها ينتهز الفرصة بقى ويعاقبنا ف امتحاناتنا - جه وقت الحساب 😌 !!
مش ممكن يا ولاد - الهنا اله صالح واكبر من التفكير ده بكتير 🙏 بيعاملنا كصلاحه وكرحمته مش حسب تفكيرنا او خطايانا او تقصيرنا 😌
... مشاعر تانية فيها قلق وخوف : ... انا هافشل - انا هادخل انسى كل حاجة قدام ورقة الامتحان - أو الامتحان هاييحى صعب او الوقت مش هايكفى او ...... أو .....
اوعى تفكر الافكار دى يا حبيبى
لأن الله لم يعطنا روح الفشل بل روح القوة والمحبة والنصح
... مشاعر اخرى سابقة للاحداث ...من حيث النتيجة - التنسيق - الكلية - الجامعات الخاصة -اسرتى بعد النتيجة؟
ارجوكم يا ولادى ... المستقبل والنتيجة والحسابات والكلية ... كل ده فى ايدين ربنا ... ركز فى اللى ف ايدك انت دلوقتى وسيب الباقى عليه🙏
انها مشاعر ومشاعر ومشاعر 😌
ولكن !! .... احبائى الغاليين ...
اطرحوا كل المشاعر السلبية دى ورا ضهركوا
#اعملوا_اللى_عليكوا
#ذاكروا_كويس
#اهدوا_خالص
#احتفظوا_بسلامكم
#صلوا_كتير
#سيبوها_على_ربنا
اله السماء يعطينا النجاح ونحن عبيده نقوم ونبنى

#Fr_Samuel_Abdallah