[walaa farouk]

هو ربنا حنين و طيب و لا حازم و بيعاقب؟
مشكله فكرنا عن الله اننا بنحاول نحط لربنا صفه معينه
و ننفي عنه صفه تانيه فالله عادل و رحيم و عدله و رحمته كاملين
لكن ازاي يكون الاتنين مع بعض؟

اغلبنا عارف تعامل السيد المسيح مع السامريه و تعامل المسيح
و طرده للباعه في الهيكل تعالوا نحلل التصرف عشان نفهم ربنا اكتر
+السامريه... انجيل يوحنا الأصحاح ٤
-السيد المسيح سافر مخصوص عشان السامريه
-خلي التلاميذ يروحوا يجيبوا اكل عشان يتكلم معاها لوحدها لانها مش هتتكلم قدام حد غالبا
-كلمها بطريقه مليانه تشجيع و رقيقه جدا و محاولش يلومها
في اي كلمه رغم انه عارف انها مش بتقول الحقيقه و عايشه مع واحد مش جوزها

+ طرد البضاعه من الهيكل.. انجيل متي اصحاح ٢١.. انجيل يوحنا اصحاح ٢
- صنع سوطا
- قلب موائد الصرافه
- وبخ الباعه علي فعلهم الخاطئ

+السؤال هنا هو ليه ربنا متعاملش مع الباعة في الهيكل
زي السامريه
يدخل يقولهم بابتسامه جميله
تعالوا نصلي في الهيكل انا عارف انكم ناس حلوه و بتحبوا الصلاه!
+طيب ليه ماتعاملش مع السامريه زي ما اتعامل مع الباعه في الهيكل
يقولها مثلا الذي يفسد هيكل الله يفسده الله! لانها زانيه!

ربنا بيتعامل مع كل انسان حسب قلبه و حسب فهمه
عشان كده ممكن نلاقي :
+ عقوبه لحنانيا و سفيره تصل للموت لانهم كذبوا اعمال الرسل اصحاح ٥
+ عقوبه الساحر باريشوع بالعمي اعمال الرسل اصحاح ١٣
+ عقوبه هيرودس اللي اكله الدود بضربه من ملاك الرب اعمال الرسل اصحاح ١٢

العقوبه هنا مختلفه مابين موت زي حنانيا و سفيره و هيرودس
و بين العمي زي الساحر باريشوع... صعب نقول و نحكم ليه ده مات و ليه دي عمي بس؟
دي حكمه و رحمه الله... احنا اقل كتير اننا نستوعبها او نحطلها منطق بشري