[walaa farouk]

امير الشهدا مارجرجس الرومانى .. الملك ..
سريع الندهة .. ابو حربة
ويطلق المصريون عليه كل هذه الالقاب ويضيفوا اليها ايضا اسماء لها علاقة بكنائسه الشهيرة...
فى مصر مثل البباوى من ببا بنى سويف والرزيقى نسبة الى الرزيقات قنا ..
ويرسم الاقباط صورته على الاذرع ويسمون اولادهم باسمه :
جرجس جورج جورجى جورجيوس رومانى بباوى رزيقى
واكثر من ثلث كنايس الاقباط على اسم البطل الشهيد اللى اتعذب 7 سنوات
وهو متحمل لاجل خاطر المسيح
وفى مصر القديمة وفى دير الراهبات اللى على اسمه توجد السلسلة
التى ربط بها البطل ويذهب الاقباط الى هناك ويتباركوا بها ..
ويقولون ان القمر يظهر فيه عند اكتماله صورة البطل وهو راكب حصانه ..
ويتشفعون به عند المرض والامتحانات والضيقات وطلب النسل والزواج
وللاقباط الحان وترانيم واغان للبطل ويسمونه كوكب الصبح المنير
ويقولون وهم فى الطريق الى مولد الملك جوارجيوس

مالي الدنيا دي مالي
جلبي حبك ياروماني
يا صاحب الصيت العالي
انت كنزي وراسمالي
ولا فيش غيرك علي بالي

واذا كانوا فى الطريق الى الرزيقات تراهم يهتفون

نورك بان علي الصلبان..
يارزيقي يا ابوالشجعان..
علي ديرك يا رزيقي أنا جاي..
شايل الخيمة والعيال..
صوتك جاني في المنام..
قالي تعالي يا بني قوم
ويرتلون
بطل وشجيع يا مارجرجس .. فرحى يا فرحى
كل عام وانتوا بخير بشفاعة البطل سيدى الملك جوارجيوس