[Mary Naeem]

تعالوا نتعرف علي الشهيد فليمون الزمار وصديقه الشهيد أبولونيوس




تعالوا نتعرف علي الشهيد فليمون الزمار وصديقه الشهيد أبولونيوسمن أشجع قصص الأستشهاد في العالم
حد عارف مين ده ⁉️
و ايه اللي في ايده ده ⁉️
بمناسبة ان النهاردة عيد استشهاد الشهيد فليمون" الزمار" وصديقه الشهيد أبولونيوس فلازم نعرف ان قصته من أشجع قصص الأستشهاد في العالم وهي قصة ٣×١ لان فيها ٣ شهداء
- صورته بتترسم وهو معاه مزمار في ايده لأن في احد الايام لما كانوا بيقبضوا علي المسيحيين في واحد صديقه اسمه أبولونيوس خاف من الأستشهاد وذهب لفليمون وكان لاعب مزمار ماهر واداله ٤ قطع ذهب علشان يتسجن مكانه

- فليمون بكل شجاعه خد لبس صديقه " أبولونيوس" والمزمار بتاعه وراح اعترف قدام والي انصنا (إريانا) انه مسيحي ولكن في البدايه من ملابسه مكنش حد يعرف ان دا فليمون غير لما جابوا اخوه " تيوناس" وسألوه هو فين فليمون فلما جه اخوه عرفه وساعتها الوالي افتكر انه فليمون بيمثل عليه وضحك ولكن فليمون قال للوالي" مافيش داعي للضحك لان محبه المسيح غيرتني ومستعد اني اموت لاجل اسمة"
- ولكن فليمون فكر انه لسه متعمدش علي اسم المسيح وصلي انه ينال المعموديه قبل الاستشهاد وبالفعل اختفي من وسط الجمع في ذهول ثم ظهر مره اخري لان الله استجاب طلبته ( علشان كدا بعض الصور بيترسم جنبه المزمار و جرن المعمودية)
- بعدها الوالي جن جنونه وابتدي يخرم كعوب رجله هو وصديقه علشان يدخل فيها حبال ويشدوهم منها وبعدها ربطهم وخلي الجنود تضربهم بالسهام وحصل شئ غريب ان السهم ارتد من جسد فليمون وأصاب عين الوالي
- الوالي لما فقد عينه طلب انه يعمله معجزة ولكن فليمون خاف لو عينه رجعت يعفو عنه وبكدا يرفض استشهاده؛ علشان كدا فليمون قاله لما اموت خد من قبري بعض التراب واعمل منها طين وحطة علي عينك وهتخف
- بالفعل تم قطع رأسه هو وصديقه وبعدها الوالي عمل زي ما قاله وعينه فتحت ومن هنا افرج عن المسيحيين وهو اعتنق المسيحية ولما سمع دقلديانوس في اسكندرية احضر الوالي "إريانا المسيحي" وتم وضعه في كيس وتم القائه في البحر ليموت هو ايضا شهيد علي اسم إله الشهيد فليمون.
بركة وشفاعة كل من الشهيد فليمون وأبولونيوس وإريانا تكون معانا❤️