[walaa farouk]

انتشر مؤخراً حالة جديدة يؤسفني أقول إنها "الانتحار " وأبرز أسبابها بالتأكيد هو "الاكتئاب "☹️
بعيدًا عن الاكتئاب كمرض سببه نقص ال dopamine وال serotonin .
.الاكتئاب دا ممكن يجي لأي شخص نتيجة صدمة سواء وفاة قريب ..حبيب ..خسارة مادية
..اهي كلها أسباب وارد الأيام تقدر تداويها
لكن ف نظري اكتر سبب ممكن يؤدي للاكتئاب هو الكلام الجارح 💔
تعليقات سخيفة مالهاش أي لزمة بتتقال ف لمة عيلة .
. ف قعدة صحاب .. وأوقات كلام بنرميه بدون حساب ع ناس مانعرفعاش 😏
بيحصل للشخص غصب عنه ما يُسمي بال " التراكمات " 😕
متخيل معايا واحد ف بيته ما بيسمعش كلمة كويسة دايماً انت مش فالح .
. ما انت لو ذاكرت كنت بقيت زي فلان .. حتي ممكن ف خناقاتك مع صحابك اهلك يعايروك بيها 😢
تخرج بره البيت تلاقي ناس بتعلق ع شكله .. شعره .. لبسه .. وزنه .. وهكذا 😐
متخيلين الواحد بعد دا كله ممكن شعوره يبقي عامل ازاي🤔
ولأن ربنا عارف أد ايه الشعور دا سيء ف هوشع بيقول ~"*إِنِّي أُرِيدُ رَحْمَةً لاَ ذَبِيحَةً*" (هو 6: 6) 👐🏻
الآيه دي اتذكرت ف سفر هوشع (عهد قديم )ورجع ربنا أكد عليها ف العهد الجديد 👇🏻
آية (مت 12: 7): فَلَوْ عَلِمْتُمْ مَا هُوَ: إِنِّي أُرِيدُ رَحْمَةً لاَ ذَبِيحَةً، لَمَا حَكَمْتُمْ عَلَى الأَبْرِيَاءِ!✋🏻
اهتمامنا بالصوم والصلاة لوحده مش كفاية
.. ربنا مطلبش اكتر م انك تكون رحيم تحس باللي حواليك
وتسندهم ماتكونش سبب حزنهم وكسرتهم 🌚
والرحمة ليها صور كتير ف نظري اهمهم التشجيع .. 🧚🏻
ابتسامة ف وش الناس الصبح تنسيهم الزهق م روتين الحياة والصحيان بدري ..
كلمة حلوة ( شكلك حلو النهاردة .. لبسك حلو .. تشجيع ع حاجة اتعملت حتي لو كانت صغيرة )
🥰 "*كلماتك اللطيفة التي تقولها ولا تلقي لها بالًا، قد تصنع يومًا كاملًا عند شخصٍ ما*".♥️🌹
ناس كتير مش محتاجة شهرة ولا فلوس ولا منصب أد احتياجها للكلمة المشجعة
.. ولأفعال فيها رحمة وانسانية 🙃