[souad jaalouk]

زوّادة اليوم:
ب13 ايار سنة 1981 تعرّض القدّيس البابا “يوحنا بولس الثاني” لمحاولة اغتيال من قبل شب تركي اسمو “محمد علي آغا”. و بالمستشفى خسر كمّيات كبيرة من الدم لأنّو الرصاصات كانت ببطنو! بعد ٤ ايّام من محاولة اغتيالو، سامح البابا الشب و زارُو بالحبس. يسوع سامح اللي صلبوه، البابا القدّيس سامح عن محاولة قتل و نحنا قدّام هالأحداث، كيف بعد فينا نحقد و ما نسامح عن الإشيا الزغيرة اللي بتصير بحياتنا كل يوم؟ كل مرّة بتزعلو من حدا او بيواجهكن موقف من هالنوع، تذكّرو هالآية: حِينَئِذٍ تَقَدَّمَ إِلَيْهِ بُطْرُسُ وَقَالَ: "يَارَبُّ، كَمْ مَرَّةً يُخْطِئُ إِلَيَّ أَخِي وَأَنَا أَغْفِرُ لَهُ؟ هَلْ إِلَى سَبْعِ مَرَّاتٍ؟". قَالَ لَهُ يَسُوعُ: "لَا أَقُولُ لَكَ إِلَى سَبْعِ مَرَّاتٍ، بَلْ إِلَى سَبْعِينَ مَرَّةً سَبْعَ مَرَّاتٍ"...الله معكن