[souad jaalouk]

زوّادة اليوم:
الليلة الزوّادة عملت برمة عا بيوت لبنان، فاتت عا كل حي، عا كل بيت و رح تخبّركن شو شافت!
شافت قصور و شافت اكواخ، شافت سفرة بتوقف بأولها ما بتشوف آخرها و شافت بيوت ما فيها لقمة خبز، شافت ناس سهرانين بالمطاعم و ناس سهرانين حدّ المغارة، شافت ناس بسيّارات غالية كتير و ناس رايحة مشي تحت الشتي بالبرد، شافت جاكيتات فرو و شافت اجسام زرقا من البرد، شافت ناس عم ترقص و تسكر و ناس عم تصلّي، شافت عِيَل محزونة غارقة بالأسود و الذكريات، شافت ناس وحيدة، شافت اشخاص مرضى، شافت ختيار محاوطتو عيلتو و شافت ختيار متروك لحالو...
كلّن زارن يسوع، منّن استقبلوه و منّن ما انتبهو لوجودو...ينعاد عالكل بالصحّة و انشالله يسوع بيولد بقلوب الكلّ و البركة بتحلّ عا بيوتكن...الله معكن