09 - 12 - 2019, 10:10 AM
|
|
|
|
..::| الإدارة العامة |::..
|
|
|
|
|
|
الصورة دي شوفتها من فترة عند حد
وبقيت احب ابص فيها كل ما احس اني مش قادرة
اقدم حاجات كبيرة لحد محتاجني ..
بحجة ضعفي و قلة امكانياتي أو بحجة
أني شايفاه اقوي مني ف مش معقول انا اللي هسنده مثلا !
او باعتقادي اني يا اقدم الحاجة كاملة يا اما افضل بعيد ...
لكن أنا كنت غلطانة
اي فعل صغير بدافع الحب هيفرق مع اللي قدامي
وهيشجعة مش صح اني مقدمهوش
بالرغم من قلة امكانياتك وضعفك
لو ربنا حط ف قلبك احساس ان مجرد وجودك
ف حياة حد هيقوية وهينعش روحه جواه من تاني
وهيطمنه ! اوعي تستتفه احساسك دا وتمشي
لحظة ادراكك أن دا عمل رحمة حتي لو بالقليل الباقي منك !
هي اللحظة اللي فيها عمرك ما هتبخل علي حد
بكلمة تشجيع حلوة أو صلوة حقيقية من قلبك عشانه ،
عمرك ما هتبخل بانك تكون متاح ليه لمجرد أنه بس يحسك حواليه
من نبع محبة الله بناخد حب وقوة ف بنعرف نحب ونسند
و هو طبيعته انه بيدي كتير لكن العطلة ف الغالب
بتكون مننا بسبب حجج زي بتاعتي كدة
اللي اعرفة أن في ناس كتير تبان قوية زي المبني دا
لكن سندة صغيرة منك (مهما كنت شايف نفسك ضعيف زي الشجرة)
تقدر تحميها من الانهيار ...
-
|