[walaa farouk]

انا : هو انت علي طول متأخر كده يارب 😞
الرب : انا متاخرتش قبل كده ، ده انا مواعيدي مظبوطه بالثانيه
انا : متأخرتش !!! 😭
اومال روحت لتلاميذك ليه في آخر الليل وانت عارف انهم خلاص تعبوا ويأسوا ومحتاجين السمك .
روحت لعازر بعد 3 أيام لما انتن .
افتكرت شاول لما ضيع نص عمره بيقتل في ولادك .
وغيرهم كتير اوي ..
إبراهيم اعطيته ابن شيخوخة ..
واليصابات اعطيتها يوحنا لما عجزت ..
كل دول وتقول متأخرتش .. !!!!
الرب : لا متاخرتش ده انا استجبت في الوقت المناسب لخيرهم وصالحهم بالثانيه .
عارفه لو كنت روحت للتلاميذ في الاول .. يمكن مكانش ايمانهم بقي اقوي .
. ولا كانوا هيفرحوا نفس الفرحه دي .
انت عارفه انا حزنت علي لعازر ده كان صاحبي واخويا .
لو كنت استجابت لإبراهيم من اول يوم مكنش هيتعلم الطاعه ويبقي ابوا الاباء ..
اليصابات وذكريا كانوا ماسكين فيا وعمرهم ما فقدوا الثقه فيا ...
ودي عندي كان اهم من اعطيهم يوحنا .. ولما اعطيتهم اعطيتهم اعظم مواليد النساء .
كل اللي صبر الي المنتهي .. انا عوضته اضعاف اضعاف ما كان منتظر او متوقع .😇
هي الفكره يا حبيبتي انكوا بتبقوا واحشني اوي ونفسي تفضلوا معايا ونتكلم واسمع صوتكوا ..
مش انت بتعملي كده مع ولادك لما تكوني عايزه تعلميهم حاجه ..
بتقوليلهم حاضر اصبروا نخلص كلامنا وتتعلموا الدرس كويس ، وهعملكوا اللي انتوا عايزينه ..
طب اشمعنا انا لما اعمل كده تقولي اني مش مهتم وبتأخر !!!
انا : سكت 😷😷 ..
انت صالح للكل وفي كل وقت .
يسوع
سيستجيب
صالح_الي_الابد