[روشا الفرفوشه]

احلام البنات حكايات
احلام البنات حواديت
وحلم البنات بالذات
هيفضل رقيق وبسيط

في واحده تحلم تبقي عروسه ، ف بيت صغير كده ع الأد <3
و واحده تحلم تعشق واحد .. يكون دفاها ف عز البرد <3
وواحده تحلم وقت زعلها .. تلاقي حد جايبلها ورد <3
في واحده تحلم بس بحضن .. وحتي لو حضنت دباديبها <3
و واحده تحلم تلقي هدوم .. تكون علي مقاسها ف دواليبها <3
وواحده تحلم تنسي هموم .. ف قعده حلوه ف وسط صحابها <3
في واحده تحلم وقت الخوف .. تلاقي انسان بيطمنها <3
وواحده تحلم بس تشوف .. قصادها راجل بس يصونها <3
وواحده مهما قابلها ظروف .. بايدها تمسح دمعات عينها <3

في كل بنت حاجات وكلام
وشئ ف بالها ونفسها فيه
لكل بنت أكيد أحلام ..
و سر جواها تخبيه <3 !

"مينا مجدي"