[walaa farouk]

امتنى لرحله المك وتعبك ..
امتنى للايد اللى علمت بالكسر
زى الايد اللى اخدت بيكى وقومتك
..امتنى لضهرك اللى انحنى حمايه من الريح العاتيه
مش خوف من المواجهه..امتنى لدموعك
اللى متنازلتش عن حقها فى التعبير
والوجع والاعتراف بانسانيتك
..امتنى للوحده اللى دارت صوتك اللى آن لوحده
وبدد سكونه مناجاتك ولجاجه طلبتك
..امتنى للتعب وللنفس اللى اتقطع
لانه بيقول انك قاومتى واتحديتى
..امتنى للى اتبقى فيكى وفضل منك
لانه بيقول انك مشيتى مشوار طويل
وخاض قلبك معركه حياة وبمنتهى الاخلاص
كنتى جندى امين مخلص اقتحم ارض المعركه
ومحتماش ورا الصفوف الخلفيه .
.امتنى للى بعد وباع واتخلى .
.لان بالغياب عرفتى ان الموجود كان هو الكفايه
..امتنى لطرحك ورجلك اللى مشلتكيش
لانه بيقول انك النهارده واقفه ومرفوعه بذراع ابديه
وسطوة الزمن وعنفوانه تتلاشى امام قدرتها
امتنى لقلبك اللى اتهزم وبين مطحنه المواقف
والحياة كان مصيره علشان منه اتبدل قلبك بقلب ابدى
اتولد للخلود قلب يحكى عن الازمات
لكن مخضعلهاش ..قلب يشهد عن ضعفه
ويشهد كمان عن نعمته اللى كملت نقصانه..
امتنى للالم لان منه وبيه بتلمع القلوب
..امتنى لمعاناتك لان منها يتشكل مجدك
..امتنى للكسر والمفرمه
لان جواها بتشوفى اعظم من اللى الراحه متملكش توريهالك .
.جواها بس يتلاشى انا ويبقى هو وحده منفردا ..