[souad jaalouk]

زوّادة اليوم: ما حدا كامل إلّا ربنا
هالخبريّة منقولة بتقول:
بيخبرو انّو ببلد بعيد عايش الملك بقصر كبير. مرّة سأل مستشارو: انا ما بغلط، انا شخص كامل ما هيك؟
خاف المستشار يجاوب و بس الملك كان مُصِرّ ردّ المستشار: يا مولانا بتعرف شو صار؟ كان ابنك الأمير ماشي عالطريق و فجأة هجم عليه كلب و عضّو. عصّب الملك و عيّط لحرّاسو و امرن يقتلو كل الكلاب بالمملكة! ضحك المستشار و قلّو: يا مولانا انت كرمال كلب واحد حكمت عا كل الكلاب بالموت مع انّن بريئين، هالقصّة كانت بس حتّى فرجيك انّو الحكم بوقت التعصيب بيكون ظالم و هالشي بيبرهن انّو ما حدا كامل حتٍى الملك! الزوّادة اليوم بتقلنا انّو ما حدا كامل و بلا خطيّة الّا ربنا و الهنا يسوع المسيح . و الله معكن