[walaa farouk]

اتعاملوا صح مع المشاهير
دول بشر زيكم .. انتوا ساعدتوهم يتعرفوا
وسواء يستحقوا لتلك المعرفة او لا
بلاش مبالغة في مديحهم .. لانك بتمدح الموهبة
لكن متعرفش الشخصية نفسها جواها ايه !
بلاش توصل المشهور لمرحلة انه يتاجر بيك ..
لانك بتجعله مزيف وبتتخدع بعد كدة !

ويا مشاهير اتعاملوا صح مع الناس
دول مجرد معجبين بمواهبكم .. ومجرد رقم في عداد الfollowers .
. لكن مش اخ واخت واب وام
يعني متتعاملوش معاهم انهم يشيلوكم ويسندوكم
في اموركم الشخصية .. هو متابع بس ما يخص موهبتك
ليس اكثر او اقل .. بلاش تعملوا حاجة مش مقتنعين بيها علشان تحافظوا عليهم
لان ده توجه مش في صالحكم .
...
...
يسوع كان مشهور
لكن ما يميز شهرة يسوع .. انه مكانش واخدها من الناس
لكن كانت بتأييد من فوق .. فمكانش فارق معاه يخسر مين
ومكانش فارق معاه يقول كلمة حق فيخرجوه ويهددوه بالرجم ..
يسوع رغم الشهرة اللي كان فيها مكانش بيتاجر بأي قول او فعل .
. لدرجة ان مكانش عنده مكان ينام فيه ومكانش غني ..
يسوع مكتوب عنه لم يأتمن احد علي نفسه ..
يعني كل المعجبين والمادحين والمشجعين اللي ماشيين وراه
كلن عارف انه شئ سطحي جدا وعند اول محك دول مش هتلاقيهم جنبك .
. مكانش يفرق معاه عدد ال followers
لدرجة ان هو اللي قعد يقلل فيهم لحد ما خلاهم ١٢ تلميذ و ٧٠ رسول ..
وكان بيقول لهم الحق انتوا بتتبعوني بس علشان منبهرين بيا
لكن انتوا مش بتحبوني بجد ومش هتستحملوا العيشة معايا .. وبالفعل رجعوا .
يسوع مافكرش لحظة في شهرته ..
لكن كان بيفكر دايما في الهدف اللي جه علشانه "الصليب" و "القيامة"

في هذا الزمن الشهرة اسهل من اي زمن ..
لكن ياريت الكل يتعلم من يسوع ..
يسوع كان مشهور لكن كان حقيقي .