[souad jaalouk]

زوّادة اليوم: ضعفنا البشريّ

بيخبرو عن استاذ بمدرسة عرِف انّو بَيّو لواحد من تلاميذو بيضربو و بيصرّخ عليه كل ما سألو شي و الصبي ما يعرف يجاوب. قرّر الإستاذ يزور البَي و اخد معو كتاب باللغة الصينيّة. وصل عند البَي و فسّرلو انّو الدروس صعبين و بدّن وقت و صبر حتّى يفهموهن الطلّاب و انّو لازم يطوّل بالو عا ابنو. بس البَي بقي معنّد عا رأيو. قام الإستاذ جاب الكتاب الصيني قدّمو للبَي و طلب منّو يقرا جاوب البَي انّو ما بيعرف صار الإستاذ يصرّخ عليه... ساعتها فهم البَي قصد الإستاذ! في اشيا منتعلّمها بالتكرار و التمرين...بَيْنا السماوي بيتعامل معنا متل هالإستاذ، دايما بيعطينا فرصة لنرجع عن غلطنا و نتعلّم و هوّي بيعرف ضعفنا البشري و ما بيعايرنا فيه بالعكس بيساعدنا نتخطّاه...الله معكن