[walaa farouk]

لو قررت تترهبن .. اترهبن بس افتكر ان عواطفك وجسدك اتكرسوا "اتخصصوا" للمسيح وميلك الجنسي اتوجه للمسيح ..
ودي موهبة كما ذكر بولس الرسول في رسالة كورنثوس .
. لو مش عندك الموهبة دي كاملة فبلاش تقرب للرهبنة
وتتورط بعدين في مشاعرك وميلك الجنسي .
. لانك هتخرب نفسك واللي حواليك .

لو قررت تتجوز/ي.. اتجوز بس افتكر ان الخطوة دي
ليها اليات وادوات لازم تكتسبها زي استخدام العاطفة
والمشاعر والتعبير الجنسي ..
متلغيش كل ده تحت مسمي الروحانية لان دي مش روحانية
لو شايف/ة ان دي روحانية من الافضل كمل في روحانيتك
ومتتجوزش .. لكن متعلقش غياب اليات مهمة في الزواج
تحت مسمي الروحانية وربنا .

لو انت قررت تكون خادم مجتمعي ..
تخدم في الشوارع والميديا وتدخل البيوت .
. خلي عندك استعداد تشاركهم وتقعد معاهم
تكتسب ما لايضر من لغتهم وعاداتهم واغانيهم وشعارتهم واكلاتهم وافلامهم وتخليها عامل مشترك بينك وبينهم
ووسيلة لوصول الرسالة ليهم ..
متدعوش للانغلاق وان الفن والاغاني والسينما حرام
تحت مسمي الخدمة ..
لكن ممكن تخدم في خدمات تانية بعيدة عن العمل المجتمعي

لو قررت تكون خادم بتول ومكرس ..
وشايف الخدمة في المجتمع علي نطاق واسع بتعثرك
فمن الافضل تخدم جوة الكنيسة علي نطاق ضيق .
. بدل ما تضيق علي الناس برة وتديهم احكام
ومقاييس عن الروحانية مش في محلها وتقيلة عليهم ..
وكمان علشان تحافظ علي نفسك .

الضوابط دي مهمة جدا .. اعرف انت بتختار ايه ؟
وهتكمل في ايه ؟ واليات كل اختيار ايه ؟ .
. علشان ما تعثرش ولا تعثر حد .
. وعلشان متبوظش جوازة ولا دير ولا خدمة ولا عقول ناس
حط كل شئ في محله حسب مواهبك وقدراتك واختياراتك ..