[walaa farouk]

حاجة اول مرة تلفت نظري و انا بقرأ عن شفاء نازفة الدم
.. الدنيا كانت زحمة اوي حوالين الرب يسوع
.. و أجت واحدة ست مريضة بنزف دم و لمست هدب ثوبه
.. و بيقول الرب الروح :" ففي الحال وقف نزف دمها "..
فقال يسوع : مين اللي لمسني ؟
.. كل داه عادي .. المعجزة للرب يسوع شئ عادي ..
و إيمان واحدة بأنه حيشفيها برضه ممكن نقول عليه عادي
.. انه يعرف ان فيه قوة خرجت منه برضه عادي خالص ..
لكن اللي اول مرة آخد بالي منه و مش عادي ( بالنسبة ليا )
.. أن القوة ديه خرجت منه .. و شفت نزفها في الحال
.. من غير ما الرب يسوع يكلمها ..
و لا كلمته و قالتله انا بنزف اشفيني
.. و لا كانت مرمية علي الطريق تعبانة .. .
. و لا كمان حد حكاله عنها ..
قوة شفت الداء داه بالذات من غير ما حد اصلا يلاحظ وجودها .
. الرب يسوع وحده بس اللى حس بيها .. إيه العظمة ديه ؟؟؟
القوة ديه حتجنني .. الست صرفت كل اللي معاها علي الدكاترة .
. اللي عرفوا هي عندها إيه .. لكنها " .
. لم تقدر أن تشفي من أحد " .
لكن قوة خرجت منه .. عرفت فين الداء .
. و ضربت في الهدف و شفتها في الحال
.. ربنا عارف فين الداء .. عارف احنا مضروبين فين
.. ياما ناس بتحلل شخصياتنا .. ياما بندين ناس
.. ياما بيكون دايما لينا رأي و تحليل
.. لكن الرب عارف احنا موجوعين فين .
. و لو رحناله .. زي ما أحنا .. هو وعد و قال : سأشفيه ..
انا يارب بجيلك زي ما أنا .
. أنا نفسي مش عارفة انا بنزف منين ..
مش عارفة فين جرحي و إيه هو دائي ..
أشفيني من نفسي .. خلصني من ذاتي .
. أكسر كل عالي ما يهمكش
..خلصني من كل حاجة فيا لا تمجد اسمك ..
قوة تخرج منك حتشفي فيا كل داء ..كل داء .. اؤمن