01 - 06 - 2019, 07:22 PM
|
|
|
|
..::| الإدارة العامة |::..
|
|
|
|
|
|
زمان كنا بنكتب علي الورق بالحبر ..
و لأن ازالته صعبة كنا نستخدم سن الموس الحامي
في "كشط" الأخطاء ثم الكتابة عليها ..
و في مرات كتيرة كانوا الأكبر مننا بيلاحظوا
أن من كتر الكشط الورقة كانت بتتخرم
و اضطر أعيد كتابتها من الأول..
و كانوا دايما يقولولنا"ما تنخورش علشان ما تبوظش " !!
و كانت حكمة بليغة اتعلمتها ..
كتر الكلام و الإعادة و الازادة و تقليب المواضيع
يتعب الناس و يوقع بينهم ..
و ياما بيوت خربت و علاقات اتدمرت
بسبب كتر "الكشط" و "النخورة" ، و نيجي نصلحها نحطمها..
فيه حاجات لو اتسابت علي وضعها
بخطأ بسيط غير ملحوظ افضل من محاولات الإصلاح و التعديل
و نقل الكلام و التدخل الزيادة ،
اللي "بيخرم الورقة" و يوقع بين الناس و يلخبط الدنيا
و يخلينا نقول "ما كنا سيبناها كده احسن " ..
مثل تاني حاجة فيها عيب بسيط جدا
نيجي نصلحها و نفكها ١٠٠ حتة، و ما بترجعش زي الأول..
حتي في الطب فيه حاجات بنسيبها بمشكلة بسيطة احسن من تدخل جراحي أو دوائي جامد نتايجه أسوأ..
حاول تصلح الأمور، لكن حاسب النخورة الزيادة اللي بتدمر..
و افتكر الحكمة الجميلة "ما تنخورش علشان ما تبوظش " 😄
|