[walaa farouk]

اوعي حبك للطقس ينسيك الحب ،
و اوعي حبك للمذبح ينسيك اولاد المذبح
، و اوعي عشقك للحن يخليك تجرح اللي بيقول اللحن ..

فيه ناس من كتر غيرتها علي الكنيسة ممكن تكسر قانون الحب ..
تشخط في اللي بيعمل اي غلطة في القداس ، قدام الناس ،
و تجرح مشاعره .. كده النظام يمشي لكن كمان الناس ح "تمشي " !!!

خد الغلطان علي جنب و فهمه و طول بالك ،
اشرح له بالراحة علشان تكسبه للمسيح و تحببه في المذبح و تربطه بالكنيسة
.. الناس ضعيفة و حساسة و مش ناقصها كمان غضب و عنف حتي لو كانت غلطانة ..

نتعلم بالراحة و نحب ربنا ، افضل ألف مرة من اننا نحافظ علي النظام و نطفش الناس ..

كمان لازم نعرف أن مش كل واحد ينفع يدي للناس توجيهات ؛
عاوزة خادم و أب قبل ما يكون مدير و مسؤل "عامل نفسه ريس"
، عاوزة حكمة و نعمة مش مجرد معلومة و حفظ ..

اوعوا تطفشوا الناس : الكنيسة بيتهم و الشمامسة فيها مجرد "خدامين" ليهم ..

مش كده و لا ايه ؟؟