[walaa farouk]

فيه حاجات قليلة تفيد ، و هي هي لو كانت كتير تضر ..

مية قليلة ممكن تنقذك من العطش، و مية كتيرة ممكن تموتك من الغرق
؛ نار هادية ممكن تسوي الاكل، و نار شديدة ممكن تحرقه..
حتي السكر الكتير يموع النفس و يضر الصحة، و كل ما كان مضبوط كل ما طعمه كان احلي ..

كده بالضبط الكلام : كلام قليل صح أبرك من كلام كتير غلط ، يزهق الناس و يتعبهم و يلخبطهم ..

كمان الزيارات ، كل ما تكون خفيفة تبقي مقبولة و موضع ترحيب ،
و لما تطول الناس تمل منك و تسيبك و ما تشتاق لك ..

خليك رقيق علي قلب الناس، و ما تزودش من كلامك و لا قعدتك و لا طلباتك،

الناس تحبك اكتر ..

خليك "مظبوط " ..