زوادة اليوم: الفرامل
بيحكوا عن إم كانت عم تقطع الطريق مع بنتها الزغيرة، وكان في سيّارة مرقت بسرعة مش معقولة.
وفجأة... بيطلع قدّام السيّارة صبي بنصّ الطريق، جرّب السايق يدعس ع الفرامات، حتى قدر بالآخر يوقّف السيّارة، وخلّص الصبي.
بتقول البنت لإمها: «نشكر اللّه في فرامات بالسيارة، وإلا كان الصبي مات». بتقلها الإم: «أكيد يا بنتي، لازم نشكر الله ع الفرامات، وخصوصًا يلي ربنا حطها لَلْساناتنا، وإلا كل يوم، كان في كتير ناس بيموتو».
الزوّادة بتقلّي وبتقلّك:
«لولا ما منستعمل فرامات لَلْساناتنا، كنّا منقتل عدد كبير من الناس».