[walaa farouk]

من و احنا صغيرين كنت كتير بازعل علي ناس وضعهم اقل مننا و برضه احياناً
بافكر في اخرين حظهم اوفر ، ماركو عَلمني ان بلاش اقارن وضع اسرتنا بوضع اي اسرة تاني.
..مدرستي بمدرسة حد تاني...و هكذا كليتي، شغلي، جوازتي، حالتي الاجتماعية الحالية....الخ
الموضوع محتاج صلاة و تدريب عشان يكون حقيقي و خارج من القلب
، مش مجرد قناع بالبسه علي وشي طول اليوم و اقلعه بالليل
و انا بعيدة عن الناس عشان اقدر اندب براحتي😁....
مهم يكون عندي طموح و احلام...لكن مهم جداً يكون برضه عندي رضا و شكر

"بفرح" علي اللي انا فيه دلوقتي!!

راحيل و ليئة....ليئة و راحيل....
مانعرفش حاجات كتير عن طفولتهم، غير ان ليئة هي الاخت الاكبر و الاقل جمالاً، بالإضافة إلي ان نظرها ضعيف!🤓
حتي معاني اسمائهم ماكنتش في صالح المسكينة ليئة؛ ليئة معناها "بقرة وحشية"...
.لكن راحيل الصغيرة الجميلة معني اسمها "شاه"!!

اعتقد ان طريقة تربية الاختين ماكانتش اكتر تنشأة صحية و داعمة...
بيتهيألي ماحدش قال لليئة: "انتِ جميلة و محبوبة...انتِ مميزة..
.انتِ احسن واحدة بتعمل اكل في كل حاران...حتي لو نظرك ضعيف،قلبك بيشوف اللي ماحدش بيشوفه.
..اختك راحيل بتحبك و اوعي تخلي الغيرة تدخل بينكم لأي سبب"

و برضه بيتهيألي ماحدش قال لراحيل:"انتِ فعلاً جميلة من برة(وَأَمَّا رَاحِيلُ فَكَانَتْ حَسَنَةَ الصُّورَةِ وَحَسَنَةَ الْمَنْظَرِ.Beautiful in form and appearance ) لكن اهم حاجة جمالك الداخلي و حبك لأختك.
..دايماً افتكري انك انتِ اجمل بنات العائلة "قلباً" قبل ما يكون قالباً.
..بيني لأختك انك دايماً حاسة بيها و واقفها في صفها no mattter what..."

ثعبان المقارنات كان لافف نفسه بإحكام و سمومه مالية ارجاء حياة الاختين..
.يمكن كانت كل واحدة بتحلم باليوم اللي تتجوز فيه و تسيب بيت لابان ابوها.
..لكن للأسف، مشيوا هما الاتنين من بيت لابان علي بيت واحد، و زوج واحد..
.بس في حد كمان جاء معاهم و مارضيش يسيبهم......"
ثعبان المقارنات"....و اللي كان يعقوب زوجهما هو اللي بيطعمه بنفسه و يساعده في بث سمومه في بيته!!!

النهاردة باشجع نفسي و باشجعك يا عزيزي/عزيزتي
انك تبعد تماماً عن ثعبان المقارنات الخبيث عشان ماتدمرش نفسيتك و تخسر سلامك.
..عشان تستمع بكل الخيرات و النعم اللي أبوك الصالح مديها لك و "مميزك" بها.
..عشان عينك تقدر تشوف النور و قلبك يقدر يشكر و يفرح!!😊🙏

#انت_مميز_صدقني🌹