[walaa farouk]

69 مرة يسوع يلقب بابن الانسان في الاناجيل و في يوحنا 12 مرة الازائية

و يسوع استخدم اللفظ ده كتير بس في مناسبات معينة زي ما هنشوف

لفظ ابن الانسان ممكن معناه:
1- مصطلح بدل كلمة "انا" (متي 8 : 20)
2- شخص او فرد في البشرية (مز 8 : 4)
3- في رؤيا دانيال "ابن الانسان" بيرمز لشعب بني اسرائيل او الملائكة قديسين الله العلي (دا 7 : 18، 21-22 ، 27 ، 10 : 13 ، 21 : 12)
4- في حزقيال اتقالت كمقارنة بين سمو الله و تواضع حزقيال كإنسان (حز 2:1 ، 3 ، 6 ، 8 ، 3 : 1 ، 3 ، 17,، 7 : 2)


لقب ابن الانسان مكنش بيلقب علي المسيا في اليهودية قبل المسيح

المسيح استخدم لقب "ابن الانسان" في 3 مواقف:
1- في حياته البشرية و تواضعه (مر 2 : 10، 28 ، متي 11 : 19، لوقا 7 : 34 ، متي 8 : 20، لوقا 9 : 58)
2- اشارة لالامه و صلبه و قيامته (مر 9:9، 14: 21 ،41 ، مر 8 : 31، 9 : 31 ، 10 : 33)
3- اشارة لمجيئه الثاني و حكمه للعالم (مر 8 : 38، 13: 26 ، متي 24 : 27، لوقا 17 : 24 ، متي 25 : 31، يو 5 : 27)

ففكرة ابن الانسان كان تمثل عمل يسوع و ليس لقب بالاكثر

لكن فيه نقاد و دارسين للعهد الجديد حطوا فرضية ان يسوع مستخدمش اللفظ ده عن نفسه

لكن ده اضافة من كتاب العهد الجديد هنا بيرد الاب جيرالد اوكلنز في كتابه

و بيقول 5 اسباب ليه المسيح التاريخي مرجح جدا استخدم اللفظ ده:
1- مفيش حد في العهد الجديد بيلقب يسوع بابن الانسان غير يسوع نفسه
حتي في يوحنا لقب "ابن الانسان" سبب لخبطة في اليهود لدرجة اليهود سألوه "من هو هذا ابن الانسان؟" (يو 12 : 34)
فازاي لقب مش مفهوم من الناس و محدش بيلقب بيه المسيح يكون من تأليف الناس؟

2- لقب ابن الانسان منتشر في الاناجيل الازائية و انجيل الاقوال Q

و ده يرجح تاريخيته تبع ل multiple attestation

3- الكنيسة الاولي مستخدمتش لقب ابن الانسان في تبشيرها و ليتروجيتها

و كانت بتستخدم لعدة معاني زي تأكيد علي بشرية يسوع و ان يسوع هو الكائن السمائي من دانيال لكن مكنتش بتستخدمه كجزء من الانجيل

4- احيانا يسوع كان بيتكلم عن "ابن الانسان" كشخص اخر غيره زي في مثل لوقا

"كل من اعترف بي امام الناس، يعترف به ابن الانسان امام ملائكة الله" (لو 12 : 8)

متي عدل في المقولة دي و خلاها "كل من اعترف بي قدام الناس،

اعترف به انا ايضا امام ابي الذي في السماوات (متي 10 : 32)

و ده يشككنا لو الكنيسة حبيت تألف لقب ليه تحطه بصيغة

مش مفهومة كأن المسيح يظهر انه بيفصل نفسه عن ابن الانسان؟

5- و لو الكنيسة الفت اللقب ده في العهد الجديد ليه دايما بتميز

باقوال يسوع في التلات مواضع "حياته البشرية، صلبه و قيامته و مجيئه."
ليه ميحصلش دمج بين التلات جمل مدام الموضوع تأليف؟

ده يشككنا جدا يسوع استخدم اللقب ده كتير جدا

يسوع و دانيال 7:

بعد ما شفنا لقب ابن الانسان ممكن يعني كذا حاجة زي لفظ انا او فرد في البشرية او اشارة لشخص يسوع بشكل خاص في وضعيات معينة

لكن امتي حصل اشارة ليسوع بمشابهته بابن الانسان اللي في دانيال اللي جالس عن يمين الله و هتتعبد له الشعوب و تمجده

حصلت في مرات بصورة مباشرة زي في
محاكمة يسوع لما اتسال " اانت المسيح ابن المبارك؟"
رد يسوع باشارة لدانيال 7 و مزمور 110 :"انا هو. و سوف تبصرون ابن الانسان جالسا عن يمين القوة و آتيا في سحاب السماء" (مر 14 : 61 - 62 ، لو 22 : 69)

و في اعمال الرسل اسطفانوس شاف يسوع كابن الانسان جالس عن يمين الله (اع 7 : 56)

و في سفر الرؤيا يسوع بيتم الاشارة ليه و التشبه بالله و شبه ابن الانسان في دانيال (رؤ 1 : 13 ، 14 : 14)

فده يظهر تحول مفهوم ابن الانسان للمسيح