احنا أسفين...
وصلناكم صورة مثالية مش سليمة ، اننا بلا أخطاء...
فابتتصدموا فينا لو عرفتوا اننا بنغلط زيكم ،
فهمناكم إننا ديماً فرحانين ومش بنقولكم إننا كتير بنبكي وبنطلب تنتهي حياتنا
خدعناكم بمستوى وهمي من الحياة المنتصرة
واننا بنتفوق عنكم وماتعرفوش اننا كتير بنتغلب من الغضب وسوء الظن والخداع والكبرياء
مش هقولكم اننا بشر... وكلنا بنغلط.. لأ
ده برضو مش سبب ولا مبرر اننا نغلط..
لكن في الحقيقة إحنا علينا حرب ، قررنا نواجهها و مانعتزلش ،
قررنا نعيش معاكم في العالم لكن العالم مش فينا
لكننا كتير بنتألم نفسياً من اوجاع وجوع عاطفي و احتياجات ورباية غلط
ونصيحتي لكل خادم وانا اولهم عرفوا الناس الحقيقة وماتبقوش مثاليين بزيادة لانكم بتقعوا وقعات جامدة