[souad jaalouk]

زوادة اليوم: الصلاة والعمل
بيخبّرو عن تلات رهبان قاعدين مع بعض، فجأة بتنقطع الكهربا. أوّل راهب بيركع وبيصلّي تَ تجي الكهربا. تاني راهب قام جاب شمعة وولّعها.
بس رجع التاني، لاحظ إنّو الراهب التالت اختفى، ما في دقايق وبترجع الكهربا، والراهبَين بيشوفو خَيُّن الراهب التالت واقف عم بيصلّح الشريط اللي قطشتو العاصفة يلّي برّا.
الزوّادة بتقلّي وبتقلّك
لازم تكونو أشخاص بتصلّو، ما بتكتفو بِضَوّ شمعة تَ تخبّو العتمة، إنّما تكونو إنتو بذاتكم عمّال مجتهدين وبتصلّو بنفس الوقت لحتى تستحقّو كلام الرب يسوع: «إنتو نور العالم»، والله معكن.