[حبو اعدائكم]

لو البحث هيوصلنى انى افقد محبتى -- يبقى افضل انى افضل جاهله !

لما كان اللص الايمن معلق على الصليب جانب الرب قال له اذكرنى متى جئت فى ملكوتك--
و الرب قال له الحق اقول لك اليوم تكون معى فى الفردوس....

مكنش فيه دراسه لناسوت و لا لاهوت و لا اتحادهم امتى و لا انفصالهم امتى .....
لو الدراسه هتوصلنى انى اخاف اخش كنيسه غير كنيسه الطائفه الى اتبعها لحسن حد يضللنى يبقى مش عايزاها
لو الدراسه هتخلينى اخاف اتناول جسد الرب و دمه فى اى كنيسه يبقى مش عايزاها
لو الدراسه هتخلينى اشك فى نيه الى قدامى من طوائف اخرى يبقى مش عايزاها
لو الدراسه هتخلينى اصلى لطيفتى بس مش للكل يبقى مش عايزاها .. و كائنى مفرقتش عن ما يفعلونه فى ديانه اخرى !
لو الدراسه هتخلينى اضع نفسى مكان الرب و احكم على غيرى و انسى انى فى الاخر بشر غير معصوم من الخطاء فى الفهم و الفكر --يبقى مش عايزاها..
لو الدراسه دى هى سبب الانشقاق الى فى اولاد الرب -- يبقى فعلا مش عايزاها..

(إنجيل يوحنا 5: 39) فَتِّشُوا الْكُتُبَ لأَنَّكُمْ تَظُنُّونَ أَنَّ لَكُمْ فِيهَا حَيَاةً أَبَدِيَّةً. وَهِيَ الَّتِي تَشْهَدُ لِي.
(إنجيل يوحنا 5: 40) وَلاَ تُرِيدُونَ أَنْ تَأْتُوا إِلَيَّ لِتَكُونَ لَكُمْ حَيَاةٌ.

الدراسه دى هى الى هتخلينى اعرف طريق الرب!
صدقنى بشك ان الشيطان بيشغل الناس فى الدراسه علشان يلهيهم عن حياه الشركه مع الرب-- عن معرفه الرب نفسه--
عن علاقه الانسان بالرب و فتح القلب له ليسكن بروحه و يعلم و يعمل من خلال الانسان بروحه...

انا كمان مش بزعل من الى بتناقش معاه --
بس اكيد ممكن كلام يحزننى ...

اشكرك على تعب ردك-- و على الموضوع الى وضعته "هل يمكن أن يهلك المؤمن"
اكيد هذكرك فى صلاتى--- و اتمنى انت كمان تذكرنى--
معلش بئا واحده من متبعى البدع هتصلى لك ههههههه

ربنا يباركك و يبارك تعب محبتك و خدمتك ....