[walaa farouk]

ﻭﺳﺎﻋﺎﺕ ﻛﺪﺓ ﻣﻦ ﻛُﺘﺮ ﻣﺎ ﺃﻧﺖ ﻣﻜﺴﻮﺭ ﻭﻣﺶ ﻗﺎﺩﺭ ﺗﺼﻠُﺐ
ﻃﻮﻟﻚ ﻗﺪﺍﻣﻪ ﻓﻲ ﻣﺨﺪﻋﻚ، ﻭﻛﺎﻟﻌﺎﺩﺓ ﻛﻼﻣﻚ ﻃﺎﻟﻊ ﻣﻠﺨﺒﻂ
ﻭﻟُﻐﺘﻚ ﺍﻟﺒﺸﺮﻳﺔ ﻣﺶ ﻣﺴﺎﻋﺪﺍﻙ .. ﺗﻼﻗﻴﻪ ﻳﺒﻌﺘﻠﻚ ﻛﻼﻡ ﻣﻦ
ﻗﻠﺒﻪ ﻋﻠﻰ ﻟﺴﺎﻧﻚ ﻋﺸﺎﻥ ﺗﺼﻠّﻴﻪ، ﻛﻼﻡ ﻣﺶ ﻣﻦ ﺗﺤﻀﻴﺮﻙ ﻭﻻ
ﻋﻤﺮﻩ ﻳﻄﻠﻊ ﺑﺘﺮﺗﻴﺐ ﻣﻨﻚ . ﻭﻗﺘﻬﺎ ﺗﺸﻮﻓﻪ ﻭﺍﻗﻒ ﻓﻲ ﺿﻬﺮﻙ
ﻭﺃﻧﺖ ﻣﻨﻬﺎﺭ ﻓﻲ ﺍﻟﺒﻜﺎﺀ.. ﻣﻮﺟﻮﺩ ﻋﺸﺎﻥ ﻳﺸﺪّﺩﻙ ﻭﻳﺼﻠُﺐ
ﺿﻬﺮﻙ ﺍﻟﻤﺤﻨﻲ ﻣﻦ ﺗﺎﻧﻲ، ﻳﺸﺪّﺩﻙ ﺑﺼﻠﻮﺍﺕ ﺧﺎﺭﺟﺔ ﻣﻦ
ﺭﻭﺣﻪ ﺍﻟﻠﻲ ﻓﻲ ﺭﻭﺣﻚ ‏( ﺳﻮﺍﺀ ﺑﻠُﻐﺔ ﺗﻔﻬﻤﻬﺎ ﺃﻭ ﻣﺎﺗﻔﻬﻤﻬﺎﺵ ‏) ،
ﻭﻣﺎﺗﺒﻘﺎﺵ ﻣﺮﻛّﺰ ﺃﻭﻱ ﻓﻲ ﺍﻟﻠﻲ ﺑﺘﻘﻮﻟﻪ ﻭﺃﻧﺖ ﻓﻲ ﺍﻟﺤﺎﻟﺔ ﺩﻱ
ﻋﻠﻰ ﻗﺪ ﻣﺎ ﺃﻧﺖ ﻧﻔﺴﻚ ﺗﻔﻀﻞ ﻓﻴﻬﺎ ﻣﺎﺗﺨﻠﺼﺶ. ﺣﺎﻟﺔ
ﻣُﺮﻳﺤﺔ ﻣﺘﻐﺮﻗﺔ ﻓﻲ ﺻﻠﻮﺍﺕ ﻣﺶ ﻣﺘﺤﻀﺮﺓ ﻣﻦ ﺫﻫﻨﻚ ﻟﻜﻦ
ﺟﺎﻳﺔ ﻣﻦ ﺍﻟﺴﻤﺎﺀ، ﻭﻣﻊ ﻛﻞ ﺣﺮﻑ ﺑﺘﻨﻄﻘﻪ ﺃﻭ ﺭﻭﺡ ﺍﻟﻠﻪ
ﺑﻴﺪﻳﻬﻮﻟﻚ ﺗﻘﻮﻟﻪ ﺑﺘﺤﺲ ﻛﺄﻧﻪ ﺣُﻀﻦ ﺩﺍﻓﻲ ﻟﺮﻭﺣﻚ، ﺃﻭ ﻧﻬﺮ
ﻣﺎﻳﻪ ﻫﺎﺩﻱ ﻃﺎﻟﻊ ﻣﻦ ﻗﻠﺒﻚ ﻳﺸﻔﻲ ﻛﻞ ﻭﺟﻊ ﺟﻮﺍﻩ.
ﻭﻗﺘﻬﺎ ﺗﺘﻜﻠﻢ ﺭﻭﺣﻚ ﺑﻠُﻐﺔ ﻣﺎﻳﻔﻬﻤﻬﺎﺵ ﺫﻫﻨﻚ، ﻳﻌﺮﻓﻬﺎ ﺑﺲ
ﺭﻭﺣﻪ ﺍﻟﻠﻲ ﺳﺎﻛﻦ ﺟﻮﺍﻙ .. ﻭﻛﺄﻥ ﺩﻱ ﻫﻲ " ﺍﻷﻧﺎﺕ " ﺍﻟﻠﻲ
ﺑﻮﻟﺲ ﺍﺗﻜﻠﻢ ﻋﻨﻬﺎ ﻟﻤﺎ ﻗﺎﻝ ﺃﻥ ﺭﻭﺡ ﺍﻟﻠﻪ ﻫﺎﻳﺴﻨﺪﻧﺎ ﻓﻲ
ﺍﻟﺼﻼﺓ، ﻭﻗﺘﻬﺎ ﺑﺲ ﺗﺤﺲ ﺃﻥ ﻛﻞ ﻣﺸﺎﻛﻠﻚ ﺑﻘﺖ ﻭﻻ ﺣﺎﺟﺔ
ﻷﻧﻚ ﻫﺎﺗﺸﻮﻓﻬﺎ ﺩﻟﻮﻗﺘﻲ ﺑﻌﻴﻮﻥ ﺍﻟﻠﻪ، ﻭﻫﺎﺗﺸﻮﻑ ﻗﻠﻘﻚ
ﻭﺧﻮﻓﻚ ﻋﻠﻰ ﺍﻷﺭﺽ ﻭﺃﺣﺪﺍﺛﻬﺎ ﻭﺯﺣﻤﺘﻬﺎ ﺍﻟﻜﺘﻴﺮ ﻭﺗُﺪﺭﻙ ﻓﻌﻼً
ﻗﺪ ﺍﻳﻪ ﻛﻞ ﺩﻱ ﺗﻔﺎﻫﺎﺕ.. ﻷﻧﻚ ﻫﺎﺗﺒﻘﻰ ﺷﺎﻳﻔﻬﺎ ﻣﻦ ﻓﻮﻕ،
ﻛﺄﻧﻚ ﺑﻘﻴﺖ ﻓﻲ ﺍﻟﺴﻤﺎﺀ ﻣﻦ ﻭﺃﻧﺖ ﻋﻠﻰ ﺍﻷﺭﺽ