[walaa farouk]

راجل_حمش يعني يخاف عليكي و يساعدك وقت ما تحتاجي مساعدته!
يعني يقف معاكي في وش الكل لو حاولوا يمنعوكي عن حاجة إنتي عايزة تحققيها!
يعني يهون عليكي القرف اللي بتشوفيه كل يوم و يحس بيكي و يفهمك من نظرة عينيكي و من "هوف" اللي بتقوليها و انتي داخلة من باب البيت!
#حمش يعني يبقى #الكتف اللي تعيطي فوقه لو عايزة تعيطي و يبقي #الإيد اللي بتطبطب لما تحتاجي طبطبة،

و يبقى #الكف اللي ينزل على وش اللي يعكر دمك لو لسبب ما ما عرفتيش تمرمطي بكرامة أهله الأرض #والدراع اللي يفتحلك الأبواب اللي الكل بيطالبوه يقفلها في وشك عشان يرتاحوا و ينكدوا عليكي و عليه!
#حمش يعني ما يديش ودنه للناس، يديهم الوش الخشب و يقولهم مالكوش فيه، هي تعمل اللي عايزة تعمله، و أنا أعمل اللي عايز أعمله عشانها، خلوا كلامكم الصايص ده في بيوتكم الباردة اللي مافيهاش حياة!
#الراجل_الحمش مش هو اللي يقولك رايحة فين و جاية منين و لا لابسة إيه و لا افتحيلي الشات لما أشوف كنتي بتقولي مع صحابك إيه؟ .. ده إسمه #رجل_تافه عديم الثقة فيكي و في نفسه و مش عارفك

، إرتبط بواحدة مخونها و مش فاهم معدنها و لا أصلها!
مش ده #الحمش .. #الحمش هو اللي واثق من نفسه و منك

و عنده استعداد يحارب الدنيا كلها علشانك زي ما انتي عندك استعداد تحاربي الدنيا عشان سواد عينيه