[sama smsma]

المشاركة الأصلية كتبت بواسطة marit jesus

حبيبتي ياسوسو اليك بعض المواقف وهتتصرفى فيها ازاى
١_ لو محامية ومعاكى قضية مهمة وانتى على باب المحكمة افتكرتى
انك نسيتى حاجة مهمة تفيدك فى القضية هترجعى تانى وتروحى تجيبى الدليل ولا هتستاذنى القاضى فى تأجيل القضية المرة القادمة ولا هتعمل ايه
اكيد مش هاينفع ارجع .. القضية كدة هاخسرها هاقول للقاضى ان معايا دليل هاجيبة الجلسة الجاية هايفيد القضية وابقى رضيت ضميرى

٢_ لو حد موصيكى انك متقوليش على سر هو ائتمنك عليه وانتى وعدتيه بكدا وفجاءة لقيتى فى شوية ظروف تضطرك انك تقولى السر دا عشان مثلا السر دا عينقذ حياته أو هينفع من مشاكل كتير بغنى عنها هتقولى ولا مش هتقوليه وليه
مش هاقول السر خالص الا لو هو وافق الاول انى اقوله لو فى مصلحته

٣_لو لاقيتى صديقتك بتعاقب ابنها او بنتها وبتضربها قدامك هتنصحيها بايه
هحاول اهدى الدنيا بس مش هاتكلم قدامها اكيد وهاقولها روحى اوضتك دلوقتى وهاكلم مامتها تهدى شوية علشان الضرب هايأذى بنتها وان ممكن تعاقبها باسلوب تانى


٤_ لو انتى وبتشترى شوية حاجات والكاشير غلط فلنفرض أنه غلط فى الحساب واعطاكى باقى الفلوس بزيادة هتاخديها ولا هتقوليه انها زيادة وليه ولنفرض برضو انك أهدتها وماخدتش بالك غير لما روحتى هترجعبهاله تانى ولا لا وبرضو ليه
هاروح تانى يوم علطول اديله الفلوس الزيادة ولو المكان بعيد عننا هاتصل بالمكان دة واقولهم ان فى غلط حصل وان معايا فلوس زيادة

٥_ لو شقة جيرانك اتسرقت ومن باب الصدفة كنتى موجودة فى البيت وشفتى الحرامية بس مكنتيش تعرفى انهم حرامية وجيرانهم عملت محضر فى الشرطة هتروح من نفسك تشهدى وتقولة مواصفاتها ولا هتقولى ماليش دعوة هى اصلا ماتعرفش انى شقتهم اي ان كان اختيارك ليه هتختارى الاختيار دا بالتحديد
هاروح مع جيرانى واشهد انى شوفتهم وهاقول على مواصفاتهم لانى ممكن اقع فى نفس المشكلة ومالاقيش حد معايا وهاتمنى ان الجيران يتصرفوا معايا كدة

٦_ لو الاسانسير عطل مثلا يعنى والشقة بتعتك دورها السابع أو التامن ومافيش مفر ولا اختيار غير انك تطلعى لحد ماربنا يسهل والاسانسير يتصلح هتطلعى لحد ماربنا يهونها مع ملاحظة انك معاكى طلبات كتير فى ايديك ولا هتشتمى فى سرك ولا هتتعصبى وتضيقى وتطلعى بالعافية وانتى مضايقة اووووى من عطلته ولا هتتصرفى ازاى
مش هاتضايق لانه كان ممكن يتعطل وانا فيه
هاطلع واحدة واحدة وارتاح فى كل دور شوية لغاية مااوصل البيت


٧_ عملتى عزومة كبيرة وتعبت لحد ماحضرتيها وفجاءة الضيوف اعتذروا لأسباب قهرية هتعمل. ايه هتتعصبى ولا هتاخدى الأمور ببساطة ولا هتعمل ايه
هاتضايق شوية اكيد انى تعبت فى تحضير كل الاكل
بس هاقدر الظروف اللى حصلتلهم اكيد مش هاتضايق منهم
وهاكل انا الاكل كله عقابا ليهم

٨_ منضفة شقتك وشقيانة طول النهار فيها وجه حد من اولادك كسرلك الازااز النيش مثلا وهو بيلعب بالكرة أو لخبطوا الشقة خالص هتزعقيلهم وتتعصبى ولا هتعمل ايه
هاتعصب واعلى صوتى شوية بس اكيد مش هاتهور عن كدة دول اطفال ومحتاجين يلعبوا
واقولهم ادخلوا اوضتكم دلوقتى لغاية ما اخلص ومافيش لعب كورة ف البيت غلط . وهاخليهم يروقوا معايا لو فى حاجة اتلخبطت علشان مايعملوش كدة تانى

بس كفاية كدا مع الفقرة الجديدة بقى ههههه استنينى

هههههههههههه مستنياكى اهو يا ماريت يا سكر