[رمانة]

المشاركة الأصلية كتبت بواسطة sama smsma

موضوع مهم اوى يا ريم بجد
وسامحينى انى هاطول شوية فى النقاش
المشكلة دى مش موجودة فى فلسطين وبس
لا موجودة فى مصر برضة وفى مدن كتيرة
وبتكون لاسباب كتيرة

1 - ضعف الايمان عند المسيحى وضعف علاقتة بربنا
2- عدم وجود الحنان والحب الكافى داخل الاسرة , بيخلى البنت تدور علية برة البيت , والعكس
3 - البطالة وعدم وجود رزق ودخل مادى للبيت وندرة فرص العمل
4 - الضغوط والمشاكل والحياة الصعبة وهموم الحياة
5 - اغرائات الشيطان والززززززن على الودان
لانة بعد كل الظروف دى اللى بيشوفها عند المسيحى
بيكون شايف قدامة ارض خصبة ليزرع فيها سمومة
من خلال بقة ناس متخصصة فى اسلمة المسيحيين
6 - التداخل الزايد عن اللزوم بين الجيران المسيحيين والمسلمين والمحبة الزايدة اوى
مالهاش لازمة
الاطفال بيطلعوا واخدين على بعض اوى وبيبقوا واخدين من طباعهم واسلوبهم
وبالتالى بيبعدوا عن الكنيسة


دور الاهل مهم جدااااااااااااا وهو الاهم فى كل دة
بانهم لازم من الصغر يزرعوا حب المسيح والخوف من اننا نجرحة بالخطية
ونعلمهم دايما ازاى المسيح بيحبنا واتصلب وفدانا بدل ما احنا نموت
والدور المكمل لدور الاهل هو الكنيسة
لازم يكون ليها دور كبير جدا فى ان الطفل منذ الصغر يشبع من حب المسيح ويتغذى بية
ونقوى الايمان بالمسيح وازاى احنا ممكن نموت ونستشهد علشان خاطر المسيح ولا عمرنا ننكرة ولا نسيبة ابدا


وبالنسبة للبنات اللى بتسيب البيت وتروح ورا وهم وحب
بتبقى مش شايفة حب وحنان جوة البيت برضة يكفيها
مش لاقية اللى يسمع مشاكلها
مش لاقية اللى يوجهها ويبقى صاحب ليها
الام بتبقى مشغولة طول اليوم فى البيت وتقوللها لما افضى ابقى اسمعك
والاب طول اليوم فى الشغل وشايل ايدة من عيالة
المفروض الام تكون صديقة لبنتها وتنصحها وتعلمها الصح من الغلط
وتقربها منها ومن ربنا اكتر
والاب يشبع اولادة بحنانة ويقرب منهم اكتر
دورة مش مقصور وبس على انة يجيب فلوس وخلاص
لان بعد كدة لا ينفع الندم , قبل فوات الاواااااااااان
لان الزمن اللى احنا فية دة زمن كلة بلاوى ونت وفضائيات
لازم يكون فى رقابة شوية فى البيت ومحبة وصلاة دائمة من اجل كل مشكلة ان ربنا يتدخل
ونعود اطفالنا على كدة من صغرهم
ان فى كل مشكلة نطلب ربنا انة يتدخل ونصبر علية لانة توقيتاتة غير توقيتاتنا
وانة يقوى ايمانا اكتر واكتر بية


نيجى للمشاكل الزوجية
لازم يبقى فى تدخل من الكنيسة فى جلسة اعتراف ونصائح روحية للطرفين كل فترة
واجتماعات مرة كل اسبوع بالكنيسة يكون فيها عظات عن الزواج ومعاملة الزوجين لبعض
لان المشاكل اللى بتحصل بين الازواج بتكتر وتكتر وكلا الطرفين بيختاروا البعد عن بعض
ويختاروا الطريق السهل ( الاسلمة ) مع العلم انهم بيكونوا عارفين انة مش الطريق الصحيح
بس بيهربوا من نفسهم ومن حل مشكلاتهم
والواضح انهم بيكونوا مش شايفين ولا بيفكروا
إلى ماذا ننظر؟ إلى بداية الطريق؟ أم إلى نهايتة؟ هل تكون نظرتنا للطريق مادية أم روحية؟
طيب هانكسب اية فى النهاية
لان العالم زاااااااااايل
واية هاننتفع لو ربحنا العالم كلة وخسرنا نفسنا
لو الزوجة او الزوج لجأوا لربنا انة يلمس قلبهم ويغيرهم للاحسن بدل ما يتجهوا للاسلمة
اكيد ربنا مش هايتاخر ويحل مشاكلهم ويغيرهم ويزيد المحبة بينهم

ياريت نعلم اولادنا من صغرهم ازاى مايهربوش من مشاكلهم ونديلهم الثقة فى انهم يقدروا يحلوا
ويقدروا يصبروا ونقويهم دايما ونشجعهم

وياريت كل تجربة نتحملها ونصلى كتيييييييييييييييير انة يقوينا
لان ربنا مش بيجربنا ابداااا فوق مانقدر نحتمل
ابداااااااااااااااااااااا

الله يا سمسمة
مش عارفة ارد شو عليكي
اسباب المشكلة وحلولها
وكلام كبير مش ادو
تسلميلي لردك وكلماتك
الراائعة
ويحافظ عليكي من كل شر وسوووء