[walaa farouk]

كتير بتعرض لمواقف بتتطلب مني ان اواجه ..... واقول لأ ..... او انا معترضة .....او انا رأي مختلف عنك ......بس مش بقدر اعمل كده !!!!! لان خايفة انك تزعل .... زعلك بالنسبة لي يعني هجران ليا .... ، يعني فراق .... ، يعني مواجهة الحياة وضغوطها ومسئولياتها لوحدي ..... يعني فراغ .... ، يعني خوف .... ، يعني قلق من الانفصال عني......

انا اتعودت ان الاخر هو اللي بيقررلي لان معرفش اخد قرار لوحدي.... ، مش بعرف اعمل حاجة لوحدي ....ولازم حد يوجهني ويمشي معايا خطوة بخطوة .....، لازم اعمل اللي بيرضيه ... الاخر هو اللي بيفكر لي ....معرفش اتعامل مع اشخاص جديدة .....، ما اقدرش اواجه ضغوط الحياة من غير توجيه ......، لو خرجت مع اصحابي في مطعم ما اقدرش احدد انا عايزة ااكل ايه .....، لما اشتري لبس لازم الاخر هو اللي يحدد ايه المناسب ليا... ولو يعني اتجرأت وقولت اواجه واشتري لوحدي الاقي نفسي اشتريت حاجات مش مناسبة وعكس اللي بيختارها الاخر ليا وطبعاً مش برجعها لان مش هقدر اواجه وارجعها .... مش بعرف انام بسهولة بسبب القلق من ان مكروه يحصل للاخر اللي معتمدة عليه او فقدانه هلع بالنسبة لي....وبالنسبة لي نهاية لحياتي.... انا معتمدة علي الاخر ومقدرش انفصل عنه .

البنت بتعاني من قلق الانفصال عن الاخر سواء الاب او الام او الحبيب او الزوج او الصديق...

اتعلمت من وهي صغيرة ان مش مطلوب منها انها تفكر ، او تواجه او تتعامل من تلقاء نفسها مع اي موقف جديد لكن دورها الوحيد في الحياة هو الخضوع للاوامر والتوجيهات والتعليمات وتنفيذ المطلوب من غير تفكير او تردد او اعتراض.....

والبنت اللي بتعاني من قلق الانفصال بتبقي معرضة لاضطرابات نفسية زي الاكتئاب والقلق واضطراب الوسوس القهري والهلع واضطراب الشخصية الاعتمادية والشخصية الحدية .