[walaa farouk]

بحبك من قبل ماشوفك ..
مجهز نفسى ومستنيكى ..
وزى ما فرحت مع اللى قبلك ..
مصمم انى افرح فيكى ..
انا عارف انك سامعة كلام كتير ..
واللى بيقول يارب استر ..
واللى بيقول يارب خير ..
وعارف ان كلامنا ع اللى قبلك ..
يمكن يخوفك من كل واحد يقابلك ..
بس ماتخافيش ..
انا عندى عينين ..
عشان اشوف بيهم مرتين ..
مرة الحلو اللى هتجيبيه ..
ومرة الوحش اللى على اد ما تقدرى ..
هتشيليه ..
ماتسغربيش من حبى فيكى ..
اصلك مش عارفة انتى جايبه ايه ..
جايبالى ايام ..
هافتكر بيهم ذكريات محوشها ..
اشى عيد ميلاد على فرح ..
على ذكريات مشاكل ربنا حاشها ..
اصلى هاقولك على سر ..
ماقلتوش لناس كتير ..
الرك ع البداية ..
وانا رامى البداية فى ايد الكبير ..
اصل الموضوع بالعقل ..
مش بكتر الكلام ..
احنا اللى بنعمل الشر ..
واحنا اللى بنصنع سلام ..
احنا اللى بنتكلم جد ..
وساعات بنقول اى كلام ..
احنا اللى فى ايدينا نعيش الواقع ..
واحنا اللى بنعيش نفسنا فى اوهام ..
احنا بمزاجنا نسيب المشاكل تكبر ..
ولو عايزين .. ممكن نحلها قوام ..
سيبك من كل ده ..
جهزى نفسك .. اللى مستنيينك كتير ..
اللى مستنى مولود .. واللى راجع من سفر ..
واللى ناوى يعمل فيكى .. فرح كبير ..
اللى هيخلص دراسته .. واللى هيبدأ مدرسته ..
واللى خلاص فاضل فى جيشه يومه الاخير ..
انا عارف ان لسة شوية ..
بس انا قلت اسبقك ..
اصل انا ماطلعتش بحبك بس ..
دانا طلعت باعشقك ..
#سنة_2018_مش_زى_اى_سنة