لما نعمل كل شيء شكله مسيحي،
ومنكنش بنعمق علاقة شخصية مع ربنا يسوع ،
مافيش رؤية خاصة واستعلان خاص ليه في القلب ..
ييجي وقت وكل شيء يبقي كأنه مدينة مهجورة خاوية من الروح ،
و صفير رياح التجارب تسخر من مسيحيتنا اللي عملنا فيها
كل شيء مسيحي ماعدا رؤية يسوع !
اول شيء مفروض اجاهد فيه واركز حياتي عليه
هو اني اطلب استعلان خاص لله في داخلي ..
مش كفاية الشكل والنشاط و الخدمة و صورة التقوي ..
مش كفاية لو انا مش حاسس اني اعرفه معرفة شخصية
واني عندي دليل شخصي انه إله حقيقي و يعرفني و اعرفه ..
ازاي ممكن يخطر ببالي اني ممكن اشهد للناس عن يسوع
لو انا مشفتوش ومتلامستش معاه بشكل شخصي ..
لو علاقتي بيه مش بتنمو في العمق والعرض و الطول والارتفاع كل يوم !؟