منتدى الفرح المسيحى - عرض مشاركة واحدة

sama smsma · رقم المشاركة : ( 1 ) 15 - 10 - 2017, 08:19 PM

واحنا زعلانين بنتعاتب ،

مابنتكلمش الا لما نتعاتب الاول عشان نصفي ..

✋🏻
بس وانا مزعلاه لقيته عادي مش بيعاتبني
ده بيشدني لجوة بيته اكتر ما انا واقفة ع الباب ..
جيت ف مرة داخلة دير بعد وقت طويل ماكنتش دخلته ،
اول ما خطيت جوة لقيت الشماس بينبه

انه الناس اللي لسة داخلة حالا تتقدم للتناول ..
تناول ايه يارب ده انا لسة جاية؟

جايز فكرت 100 مرة قبل ما اجي هنا ..
جايز فكرت اكسل اصلا ..

😁
ده غير اني باغلط ف حقك كتير
بقيت باتكلم ع الناس وبصطادلهم اخطاء ..
باكدب وبلاوع ومابسامحش زي ما انت بتسامحني ..

🙈

ودوغري كدة انت عايزني جوة بيتك وجوة حضنك ..

😋

😋
بقول هابعد وانضف نفسي وارجع اقف قدامك
اتاريك عايزني بس اخطي وهتنضفني انت وتوريني حبك