أجمل شكاوى الروح.. الشكوة بالنظرة..
والنظرة لو م القلب.. تبقى كما مناظرة.. بين العبيد والسيد
والكلمة متحاصرة.. وصراخك المليان.. بالصمت و الحسرة
وصمودك المليان.. بالقوة والجبروت.. آخر حياتك حياة
هاتعيشها بعد الموت
أوعى تصدق يوم.. القوة مش بالصوت.. القوى بالأحساس
ومفيش قلوب بتموت.. إلا بموافقتنا
وإياك توافق تموت.. غير لما تشبع حياة
وإياك توافق حياة.. خيفاك تعيش بكرة
أصل البشر من طين.. ومن تراب لتراب
وإياك تعيش لسراب.. بل عيش عشان فكرة