[Mary Naeem]

فتاة منتقبة توثق لحظة تعرضها للتحرش داخل أتوبيس

نشرت فتاة منتقبة تدعى "شروق أسامة" عبر صفحتها الشخصية على الـ"فيسبوك"، صورًا توثق بها تعرضها لتحرش جنسي داخل أتوبيس في حلوان بالقاهرة.

حيث قالت "شروق": "دي تقريبًا أول مرة اقتنع أن معندناش رجالة ده لسه حاصل معايا حالًا أول حاجة عملتها إني صورت عشان لما يقول معملتش أعرف أرد عليه بس بمجرد ما زعقت وعليت صوتي لقيت الكل بيقول خلاص يا آنسة ومحدش فكر يتجدعن كدا".

وتابعت "شورق" قائلة: "خلاص إيه حضرتك ده بيمد إيده أهيه معلش خلاص يعني رجالة كبار بشنبات بيقولولي اسكت لما واحد يمد ايده عليا ده أنا أصحابي أرجل منهم إحنا معندناش رجالة فخدي حقك منك ليها واخشنوا ويبقى حد يجي يقولي أصل لبسك مستفز".

وقالت: "كنت راكبة ميكروباص من حلوان للتبين وأنا كنت راجعة من درس وحتى لو مش درس هتقدروا إزاي تحبسوا البنات في البيوت عشان أنتوا حيوانات مش قادرين تمسكوا نفسك عن بنات الناس لبسي مش ضيق وشي مش شايفة شوفوا حجج تبرروا بيها غير دي".

ومن جانبه، تعاطف رواد "فيسبوك" مع "شروق"، منتقدين سلبية الناس في الأتوبيس تجاه الحادث.